सोलापूर झेडपीला मिळाले 355 नवे शिक्षक तर 100 अतिरिक्त…!

सोलापूर जिल्हा परिषदेला नुकत्याच झालेल्या पवित्र पोर्टल द्वारेच्या भरती प्रक्रियेतून 355 नवे शिक्षक मिळाले असून त्यांना आठ सप्टेंबर पर्यंत समुपदेशन करून नियुक्ती आदेश दिले जाणार आहे. तसेच जिल्ह्यात 100 अतिरिक्त शिक्षक झाले असून त्यांचे लवकरच समायोजन केले जाईल अशी माहिती सोलापूर जिल्हा परिषदेचे सीईओ कुशल जैन यांनी दिली. सोलापूर जिल्ह्यातील सर्व शाळांचे स्ट्रक्चरल ऑडिट केले जाणार असून शाळांचे वर्गीकरण देखील पूर्ण केले जाणार आहे. प्रत्येक तालुक्यात पंधराव्या वित्त आयोगातील निधीतून प्रत्येकी तीन, पीएम श्री योजनेतून एक आणि डॉक्टर बाबासाहेब आंबेडकर आदर्श शाळा योजनेतून एक अशा प्रकारे पाच शाळा आदर्श शाळा केल्या जाणार आहेत. सोलापूर जिल्ह्यातील 35 आरोग्य केंद्रांना राष्ट्रीय मानांकन मिळाले असून ते 100 करण्याचा मानस असल्याचे सीईओ जैन यांनी सांगितले.