सोलापूर : शहराच्या व्यापार, उद्योग आणि व्यावसायिक क्षेत्राला नवी दिशा देण्याच्या उद्देशाने ‘सोलापूर शॉपिंग फेस्टिवल एक्स्पो–२०२६’ चे आयोजन करण्यात आले आहे. आर. के. इव्हेंट्स अँड एकिझबिशनच्या वतीने आयोजित हा तीन दिवसीय एक्स्पो ४, ५ आणि ६ सप्टेंबर २०२६ रोजी हेरिटेज ‘सी’ लॉन्स, गांधी नगर, सोलापूर येथे होणार आहे.
या प्रदर्शनाचे उद्घाटन महाराष्ट्र चेंबर ऑफ कॉमर्सचे अध्यक्ष, उद्योगपती, केतन शहा तसेच बिल्डर असोसिएशनचे अध्यक्ष मनोज म्हेत्रस यांच्या हस्ते होणार आहे.
या एक्स्पोमध्ये सोलापूरकरांसाठी व्यवसाय, खरेदी, आधुनिक उत्पादने, विविध सेवा आणि आकर्षक ऑफर्स एकाच ठिकाणी उपलब्ध करून देण्यात येणार आहेत. स्थानिक उद्योजक, व्यापारी आणि व्यावसायिकांना आपल्या उत्पादनांची व सेवांची प्रभावीपणे नागरिकांपर्यंत पोहोच करण्यासाठी हे प्रदर्शन महत्त्वाचे व्यासपीठ ठरणार आहे.
🔹 एक्स्पोमध्ये प्रमुख आकर्षणे
🚗 ऑटोमोबाईल – नवीन व अद्ययावत वाहनांचे मॉडेल्स, ऑफर्स आणि वाहनांबाबत माहिती
🏠 रिअल इस्टेट – ओपन प्लॉट्स, प्रीमियम फ्लॅट्स, गृहप्रकल्प आणि गुंतवणुकीच्या संधी
☀️ सोलार एनर्जी – अत्याधुनिक सौर ऊर्जा प्रणाली व सोलार उत्पादनांची माहिती
🏦 बँकिंग व फायनान्स – विविध कर्ज योजना, आर्थिक सेवा आणि सुलभ आर्थिक मार्गदर्शन
या माध्यमातून स्थानिक व्यापार आणि उद्योगांना चालना मिळण्यासोबतच ग्राहकांना विविध क्षेत्रातील उत्पादने, सेवा आणि नवीन व्यावसायिक संधी एकाच छताखाली पाहता येणार आहेत.
🎁 दुसऱ्या दिवशी खरेदीसाठी विशेष आकर्षण
दसरा- दिवाळीच्या सणांच्या पार्श्वभूमीवर एक्स्पोला भेट देणाऱ्या नागरिकांसाठी मोफत शॉपिंग व्हाऊचर्स उपलब्ध करून देण्यात येणार असल्याचे आयोजकांनी सांगितले आहे. त्यामुळे नागरिकांना खरेदीसोबत विशेष ऑफर्सचा लाभ घेता येणार आहे.
एक्स्पोची वेळ : सकाळी ११ ते रात्री ९ वाजेपर्यंत.
सोलापूर शहरासह जिल्ह्यातील आणि परिसरातील नागरिकांनी मोठ्या संख्येने उपस्थित राहून ‘सोलापूर शॉपिंग फेस्टिवल एक्स्पो–२०२६’*चा लाभ घ्यावा, असे आवाहन असे आवाहन आर. के. इव्हेंट्स अँड एकिझबिशनचे कमलेश शिंदे यांनी केले. या पत्रकार परिषदेला रोहित जोगीपेठकर, सौरभ शिंदे,जगदीश बोगा आदी उपस्थित होते.
