सोलापूर – दि. १५/०७/२०२५ रोजी रात्रौ ०९:३० वा. चे पुर्वी पंढरपूर शहरातील कुभांर गल्ली येथे १) सुरेखा संजय जगताप वय ४५ वर्षे, २) लखन संजय जगताप वय २६ वर्षे दोघे रा. शिंद नाईक नगर, कुंभार गल्ली पंढरपूर यांना कोणीतरी अज्ञात आरोपीने अज्ञात कारणावरून धारदार शस्वाने डोकीत, अंगावर मारून गंभीर जखमी करून जिवे ठार मारले होते. त्याबाबत पंढरपूर शहर पोलीस ठाणे गु.र.नं. ४६७/२०२५ भारतीय न्याय संहिता २०२३ चे कलम १०३, २३८ प्रमाणे दि. १६/०७/२०२५ रोजी ०२:०६ वा. गुन्हा दाखल आहे.
सदर गुन्हयाचा तपास सुमारे ०७ महीन्यापासून चालु होता. दि १८/०१/२०२६ रोजी सदर गुन्हयाचा तपास सहायक पोलीस अधीक्षक श्री. प्रशांत डगळे यांनी स्वतःकडे घेवून स्थानिक गुन्हे शाखा व एसडीपीओ कार्यालयाकडील पथक यांच्या मदतीने गुन्हयातील निष्पन्न मोबाईलचे डमडाटा, सीडीआर, एसडीआर, लोकेशन याची माहीती घेतली. घटनेवेळी परिसरातील काही लोकांचे मोबाईल इनअॅक्टीव्ह असल्याचे दिसून आलेने गुन्हयाच्या घटनेवेळी त्यांच्या हालचालीची पडताळणी केली. त्याच दरम्यान बातमीदाराकडून खात्रीशीर बातमी मिळाल्याने गुन्हयातील संशयीत विधीसंघर्षग्रस्त बालक व आरोपी क्रमांक १ व २ यांनी अपराध केल्याबाबतचा पुरावा मिळाला,
त्या अनुषंगाने स्थानिक गुन्हे अन्वेषण शाखेकडील पथकास जोधपूर रा. राजस्थान येथे पाठवून आरोपी नं. ०१ यास ताब्यात घेवून प्राथमिक चौकशी करता त्याने अपराधाची कबुली दिली. त्यानंतर आरोपी नं. ०२ यास ताब्यात घेवून त्याचेकडे चौकशी करता, त्याने सुरूवातीस उडवा उडवीची उत्तरे दिली. तपास पथकातील पोलीस अधिकारी व अंमलदार यानी कौशल्यपुर्ण चौकशी करून आरोपीतांकडून माहीती प्राप्त करून घेवून ०७महीन्यापुर्वी घडलेल्या गंभीर गुन्हयाची उकल करण्यात यश मिळविले आहे.
गुन्हयाच्या तपासामध्ये आरोपीतांनी चंद्रभागा नदीच्या पात्रात गुन्हयात वापरलेली हत्यारे व मयताचे घरातील टिव्ही फेकून दिल्याचे तपासा दरम्यान सांगितले. त्याप्रमाणे नदिपात्रात ज्या ठिकाणी आरोपीतानी हत्यारे व टिव्ही टाकला त्याची आरोपीकडून माहीती घेवून शोध मोहीम राबविली असता, दि. १०/०२/२०२६ रोजी गुन्हयातील ५५ इंची टेलीव्हीजन संच फुटलेल्या स्थितीत व दि.११/०२/२०२६ रोजी धारदार तिक्ष्ण हत्यार मिळून आल्याने महत्वाचा पुरावा पंचनाम्याप्रमाणे जप्त करण्यात आला आहे.
यातील आरोपी क्रमांक २ याचे व मयत यांचे मध्ये जागेचा वाद होता व अनैतिक संबंधाचे एक कारण असलेचे तपासादरम्यान माहिती मिळत आहे.
सदरची कामगीरी अतुल कुलकर्णी, पोलीस अधिक्षक, सोलापूर ग्रामीण, अपर पोलीस अधिक्षक, प्रितम यावलकर, सहा पोलीस अधिक्षक, प्रशांत डगळे, पंढरपूर उपविभाग, पंढरपूर यांचे मार्गदर्शनाखाली उपविभागीय पोलीस अधिकारी कार्यालयाकडील पोसई/अब्दुलहमीद शेख, सपोफी/शरद कदम, पोहेकों/सुरज हेवाडे व स्थानिक गुन्हे शाखा सोलापूर ग्रामीण कडील सपोनि/विजय शिंदे, पो अंमलदार प्रकाश कारटकर, नारायण गोलेकर, मोहन मनसावले यांनी पार पाडलेली आहे.
