सोलापूर : आज रोजी मध्य रेल्वे सोलापूर विभागात वार्षिक विभागीय ६७ वा रेल्वे सप्ताह समारोह २०२२ सिद्धेश्वर रेल्वे ऑफिसर क्लब येथे आयोजित करण्यात आला होता. या कार्यक्रमात विभागीय रेल्वे व्यवस्थापक शैलेश गुप्ता यांच्या हस्ते अप्पर विभागीय रेल्वे व्यवस्थापक शैलेंद्र परिहार यांच्या उपस्थितीत २९१ कर्मचाऱ्यांना वैयक्तिक पुरस्कार तसेच उत्कृष्ट कामगिरी करणाऱ्या विभागांना एकूण २१ समूह पुरस्कार प्रदान करण्यात आले. यंदाच्या वर्षी उत्कृष्ट कामगिरी केल्याबद्दल ०३ विभागांना महाप्रबंधक दक्षता शिल्ड प्राप्त पुरस्कार दिला व 03 अधिकारी तसेच 13 कर्मचाऱ्यांना महाप्रबंधक पुरस्कार प्राप्त झाला या सर्वांचा गौरव आजच्या कार्यक्रमात करण्यात आला. शैलेश गुप्ता यांनी सोलापूर विभागाच्या कामगिरीचा आढावा घेतला आणि विभागाच्या प्रगतीसाठी तत्पर असलेल्या सर्व शाखा अधिकारी आणि कर्मचाऱ्यांचा योगदानाबद्दल आभार व्यक्त केले.
कार्यक्रमात सर्व शाखा अधिकारी महिला कल्याण संगठनच्या अध्यक्षा श्रीमती प्रतिभा गुप्ता व अन्य सदस्य, वरिष्ठ विभागीय वाणिज्य व्यवस्थापक एवम जनसंपर्क अधिकारी प्रदीप हिरडे, मान्यताप्राप्त युनियन आणि असोसिएशन चे पदाधिकारी उपस्थित होते. कार्यक्रमाचे आयोजन कार्मिक विभागाकडून जी. पी. भगत वरिष्ठ विभागीय कार्मिक अधिकारी यांच्या मार्गदर्शनाखाली यशस्वी रित्या करण्यात आले.कार्यक्रमाचे सूत्रसंचालन व आभार प्रदर्शन रमेश अय्यर,व विभागीय कार्मिक अधिकारी आणि मुख्य कल्याण निरिक्षक सचिन बनसोडे यांनी आले.
