सोलापूर: MCA अंतर्गत झालेल्या सामन्यात सोलापूर संघाने कोल्हापूरवर ४ गडी राखून शानदार विजय मिळवला. साक्षी वाघमोडेच्या अष्टपैलू खेळाच्या जोरावर सोलापूरने हे यश संपादन केले.
प्रथम फलंदाजी करताना कोल्हापूरचा संघ ४९.१ षटकांत २०१ धावांवर गारद झाला. कोल्हापूरकडून अनुजा अरुण पाटीलने सर्वाधिक ५४ धावा केल्या. सोलापूरकडून गोलंदाजी करताना साक्षी वाघमोडेने १० षटकांत ३७ धावा देत ३ बळी घेतले. २०२ धावांचे लक्ष्य सोलापूरने ४०.५ षटकांत ६ गड्यांच्या मोबदल्यात पूर्ण केले. सलामीवीर आर्या उमपने ९४ चेंडूंत १४ चौकारांच्या मदतीने ८५ धावांची धडाकेबाज खेळी केली, तर साक्षी वाघमोडेने ४७ धावांचे योगदान दिले. ४७ धावा आणि ३ बळी घेणाऱ्या साक्षी वाघमोडेला ‘सामनावीर’ पुरस्काराने गौरविण्यात आले.
या विजयी संघास सोलापूर डिस्ट्रिक्ट अससोसिएशनचे अध्यक्ष दिलीपराव माने, चेअरमन रणजितसिंह मोहिते पाटील, व्हाईस चेअरमन श्रीकांत मोरे, सचिव धैर्यशील मोहिते पाटील, सचिव चंद्रकांत रेबूरसू, खजिनदार संतोष बडवे, आणि अससोसिएशन सर्व पदाधिकारी या विजयी संघास शुभेच्छा दिल्या.
थोडक्यात धावफलक:
कोल्हापूर: २०१/१० (४९.१ षटके)
सोलापूर: २०२/६ (४०.५ षटके)
निकाल: सोलापूर ४ गडी राखून विजयी.
