नाभिक वधु-वर पालक परिचय मेळाव्याच्या अध्यक्षपदी राजु शुक्लवार यांची निवड

सोलापूर : संतसेना नाभिक बहुउद्देशीय सेवाप्रतिष्ठान आणि महाराष्ट्र नाभिक महामंडळ यांच्या संयुक्त विद्यमाने आयोजित १५ व्या राज्यस्तरीय सर्व पोटजाती सह होणाऱ्या मोफत वधु-वर नोंदणी सेवा प्रतिष्ठानचे संस्थापक कै. दिनकर गोरे साहेब यांच्या संकल्पनेतून आणि पुढाकारातून १४वर्षापुर्वी समाजाच्या गरजेप्रती व समाज उपयोगी उपक्रम राबविणेसाठी विशेष म्हणजे हा मेळावा संपूर्ण महाराष्ट्रातून या मेळाव्याची मोफत म्हणून ओळख आहे. नाभिक वधु-वर पालक परिचय मेळावा दि.२८/०३/२०२६ रोजी सोलापूरातील इरण्णा उपलप मंगल कार्यालय सात रस्ता सोलापूर या ठिकाणी आयोजित करण्यात आलेला आहे. ह्या निवडी च्या सभेच्या अध्यक्षस्थानी सेवा प्रतिष्ठानचे अध्यक्ष हिंदुराव गोरे हे होते यावेळी सर्व संचालक मंडळ आणि महाराष्ट्र नाभिक महामंडळाचे पदाधिकारी उपस्थित होते. यावेळी १५व्या मोफत राज्यस्तरीय नाभिक वधु-वर मेळाव्याच्या अध्यक्ष स्थानी राजु शुक्लवार तर खजिनदार म्हणून अॅड. पवनकुमार शिंदे आणि रंगीत विशेषकांचे संपादक म्हणून प्रकाश जोगीपेठकर यांची एकमताने निवड करण्यात आली. यावेळी संस्थेचे संचालक पदाधिकारी निलकंठ हल्लाळीकर, सुशांत क्षीरसागर, सिद्राम रुद्रार, मोहन जमदाडे, मल्हारी राऊत, महेश श्रीमंगले, राम राऊत, गितेंन्द्र बेनाळकर यांच्यासह महामंडळाचे डॉ. माधुरीताई पारपल्लीवार, अल्काताई ताटे, शोभा राऊत, भारती हडपद, सुनिता दळवी, मिनाक्षी जाधव, कांचन जाधव, परशुराम श्रीमंगले, निखील दळवी, निलकंठ पुलकुर्ते, वरदराज स्वामी, नागनाथ कोरे, डि.टी. राऊत, भिमराव रणदिवे यांच्यासह नाभिक समाजातील बंधु भगिनी मोठ्या संख्येने उपस्थित होते. या सभेचे सुत्रसंचालक संस्थेचे सचिव सिद्राम रुद्रार यांनी केले. तर उपस्थितांचे आभार संस्थेचे माजी अध्यक्ष सुशांत क्षिरसागर यांनी मानले.