सोलापूर – सोलापूर जिल्ह्यात दिव्याग सक्षमीकरण कार्यशाळेस उस्फुर्त प्रतिसाद मिळाला आहे. सोलापूर जिल्ह्यात १० हजार पेक्षा अधिक दिव्यांग बांधवांनी कार्यशाळेत भेट देऊन भावना व्यक्त केल्या. गुलाब पुष्प देऊन दिव्यांगाचे स्वागत करणेत आले आहे.
सोलापूर जिल्हयात आज सर्व ग्रामपंचायती व समाज कल्याण विभाग अंतर्गत आश्रमशाळेत दिव्यांग सक्षमीकरण कार्यशाळेचे आयोजन करणेत आले होते.
उत्तर सोलापूर तालुक्यांतील हगलूर येथे उप मुख्य कार्यकारी अधिकारी इशाधिन शेळकंदे यांनी भेट देऊन दिव्यांग बांधवांना ग्रामपंचायती निधी मधून मदतीचा धनादेश देणेत आला. गावातील दिव्यांग बांधवांचे गुलाब पुष्प देऊन स्वागत करणेत आले. तसेच दिव्यांग बांधवांचे समस्या जाणून घेतल्या. या प्रसंगी जिल्हा कार्यक्रम व्यवस्थापक सचिन जाधव, सरपंच अरिफा पठाण, शिक्षक शशीकांत शिंदे उपस्थित होते. उप मुख्य कार्यकारी अधिकारी इशाधिन शेळकंदे यांनी स्वत जागेवर जाऊन दिव्यांग बांधवांचे स्वागत करून आपल्या विनम्रतेचे दर्शन घडविले. प्रास्तविक ग्रामसेवक राजकुमार साबळे यांनी केले. या प्रसंगी जिल्हा कार्यक्रम व्यवस्थापक सचिन जाधव यांनी स्वच्छ भारत मिशन ग्रामीण अंतर्गत दिव्यांगांना शौचालय सुविघा देणेची तरतुद असल्याचे सांगून कमोड प्रकारातील शौचालय उभारणे साठी अर्ज करणेचे आवाहन केले. आधारकार्ड व बॅंकेचे पासबुक व दिव्यांग प्रमाणपत्र ग्रामसेवक यांचे मार्फत पंचायत समिती कडून जिल्हा परिषदे कडे सादर करणेचे आवाहन केले.
मंगळवेढा तालुक्यांतील ब्रम्हपुरी येथे उप मुख्य कार्यकारी अधिकारी जावेद शेख यांनी कार्यशाळेस भेट देऊन दिव्यांगाना मदतीचे वाटप केले. सरपंच मनोज पुजारी , माजी सरंपच विजय पाटील,उपस्थित होते. या प्रसंगी ग्रामविकास अधिकारी संजय पाटील यांनी सर्व २५ दिव्यांग बांधवांना वेगवेगळ्या योजनांचा लाभ देणेत आला असल्याचे सांगितले.
तसेच दक्षिण सोलापूर तालुक्यांतील मुळेगाव येथे समाजकल्याण अधिकारी सुनील खमीतकर यांनी कार्यशाळेस भेट दिली. दिव्यांग बांधवांना समाजकल्याण विभाग, शिक्षण विभाग, राज्य शासनाचे विविध योजनांची माहिती दिली.
दिव्यांगांनी ५ टक्के निधीचा लाभ घ्यावा – सिईओ दिलीप स्वामी
सोलापूर जिल्ह्यात दिव्यांग बांधवांसाठी आयोजित सक्षमीकरण कार्यशाळेस चांगला प्रतिसाद मिळाला असल्याची माहिती मुख्य कार्यकारी अधिकारी दिलीप स्वामी यांनी दिली. ग्रामपंचायतीचा ५ टक्के निधी तसेच शासनाचे विविध योजनांची माहिती देणे साठी तसेच दिव्यांग बांधवांचे आरोग्य विषयक समस्या जाणून घेऊन त्यांवर मार्ग काढणेसाठी सक्षमीकरण कार्यशाळमुळे चांगली सुरूवात झाली आहे. यासाठी जिल्हात सर्व अधिकारी व कर्मचारी यांची दिव्यांगासाठी झटून कार्यशाळा यशस्वी करणे साठी प्रयत्न केले. त्याबद्दल कर्मचारी यांचे अभिनंदन केले तर उस्फुर्त प्रतिसाद दिलेबद्दल दिव्यांग बांधवांचे आभार सिईंओ स्वामी यांनी मानले.
दिव्यांग बांधवासाठी प्रत्येक ग्रामपंचायती मध्ये नोंदवही – शेळकंदे
सर्व योजनांचा लाभ देणे साठी प्रत्येक ग्रामपंचायती मध्ये गावातील दिव्यांग यांची नोंद घेणेचे सुचना देणेत आली आहे. एकही दिव्यांग मदतीपासून वंचीत राहू. नये असे आवाहन उप मुख्य कार्यकारी अधिकारी इशाधिन शेळकंदे यांनी केले.
उत्तर सोलापूर तालुक्यांतील हगलूर येथे दिव्यांग सक्षमीकरण कार्यशाळेत मार्गदर्शन करताना बोलत होते. केवळ ग्रामपंचायती च्या ५ टक्के निधी बरोबर जिल्हा परिषद समाजकल्याण विभाग व राज्य शासनाचे वेगवेगळ्या योजनांची माहिती देऊन शासकीय. योजने पासून एकही दिव्यांग वंचित राहणार नाहीत याची काळजी घेणेचे सुचना दिल्या. दिव्यांगाचा निधी त्या त्या वर्षात खर्च करा अशा सुचना दिले. याबाबत योजनानिहय रजिस्टर अपडेट करणेचे सुचना उप मुख्य कार्यकारी अधिकारी इशाधिन शेळकंदे यांनी दिल्या.