शिष्यवृत्तीचे प्रलंबित अर्ज महाविद्यालयांनी तात्काळ निकाली काढावेत

समाज कल्याण आयुक्त कैलास आढे यांच्या सूचना
सोलापूर : शासनाच्या सामाजिक न्याय व विशेष सहाय्य विभागाच्या वतीने अनुसूचित जाती या प्रवर्गातील विद्यार्थ्यांना भारत सरकार शिष्यवृत्ती शिक्षण फी, परीक्षा फी राजश्री छत्रपती शाहू महाराज गुणवत्ता शिष्यवृत्ती व विद्या वेतन या योजनांचा लाभ देण्यात येतो . जिल्ह्यातील बहुतांश महाविद्यालयाकडे शिष्यवृत्तीचे अर्ज प्रलंबीत असून, विद्यार्थ्यांना शासकीय योजनेचा लाभ देण्यासाठी तात्काळ अर्ज निकाली काढावेत अशा, सूचना समाज कल्याणचे सहाय्यक आयुक्त कैलासआढे यांनी दिल्या.
विद्यार्थ्यांना सर्व योजना शासनामार्फत Mahadbtmahait.gov.in या संकेत स्थळात दि. 26 जानेवारी 2023 पासून बदल करुन MahadbtMharashtra.gov.in login/login या प्रणालीवरुन ऑनलाईन पध्दतीने राबविण्यात येत आहेत. शैक्षणिक वर्ष सन 2022 23 या शैक्षणिक वर्षाचे अर्ज भरण्यासाठी दिनांक 22 सप्टेंबर 2022 पासून अर्ज स्वीकारण्यास व मंजुरी करण्यास सुरुवात झालेली आहे. जिल्ह्यातील महाविद्यालयातील अनु.जाती या प्रवर्गातील पात्र मागासवर्गीय विद्यार्थ्याचे 100 टक्के अर्ज भरुन शिष्यवृत्ती मिळण्यासाठी समाज कल्याण कार्यालयाकडे ऑनलाईन सादर करण्याबाबत महाविद्यालयांना वेळोवेळी सुचित करण्यात आले होते. जिल्ह्यातील बहुतांश महाविद्यालयांकडे अनु.जाती प्रवर्गातील विद्यार्थ्याचे अर्ज मंजुरी अभावी महाविद्यालय स्तरावर प्रलंबित आहेत. सदर अर्जांवर तातडीने कार्यवाही करावी असे आवाहन समाज कल्याणचे सहायक आयुक्त कैलास आढे यांनी केले आहे.
तसेच ऑनलाईन बैठकीत कार्यालय स्तरावरुन देण्यात येणाऱ्या सूचनांबाबत जिल्ह्यातील अनेक महाविद्यालये बैठकीस उपस्थित रहात नाहीत. संबधित महाविद्यालयांनी शिष्यवृत्ती अर्जावर तातडीने कार्यवाही अन्यथा महाविद्यालयावर प्रचलित शासन निर्णया प्रमाणे करवाई करण्यात येईल असेही त्यांनी कळविले आहे.