Fact Check | सामान्य युजर्सना शुल्क नाही; व्यवसायिक मेसेजिंगवर शुल्क
येस न्यूज मराठी नेटवर्क: “1 ऑक्टोबर 2026 पासून WhatsApp वर मेसेज पाठवण्यासाठी पैसे द्यावे लागणार”, असा दावा सोशल मीडियावर व्हायरल होत आहे. मात्र हा दावा अर्धसत्य आहे.
1 ऑक्टोबरपासून WhatsApp Business Platform वरील काही व्यवसायिक संदेशांसाठी शुल्क लागू होणार आहे. मात्र मित्र, कुटुंबीय किंवा ग्रुपला मेसेज पाठवणाऱ्या सामान्य WhatsApp युजर्सना कोणतेही नवीन शुल्क लागणार नाही.
नेमका बदल काय?
भारतामध्ये Service Message साठी ₹0.115 प्रति संदेश + GST असा दर लागू होणार आहे. प्रत्येक Business Phone Number साठी महिन्याला पहिले 1,000 Service Messages मोफत असतील. त्यानंतर शुल्क आकारले जाईल.
उदाहरणार्थ, 1,500 संदेश पाठवल्यास अतिरिक्त 500 संदेशांसाठी ₹57.50 + GST खर्च येईल.
सामान्य युजर्सचे काय?
मित्र-परिवाराशी चॅट, ग्रुप चॅट, वैयक्तिक मेसेज तसेच व्हॉइस आणि व्हिडिओ कॉलसाठी या बदलामुळे नवीन शुल्क आकारले जाणार नाही. व्यवसायाला WhatsApp वर मेसेज करणाऱ्या ग्राहकाकडूनही या कारणासाठी Meta थेट शुल्क आकारत नाही.
निष्कर्ष
“WhatsApp वापरण्यासाठी पैसे द्यावे लागणार” हा दावा चुकीचा आहे. 1 ऑक्टोबरपासूनचा बदल मुख्यतः WhatsApp Business Platform वापरणाऱ्या व्यवसायांच्या मेसेजिंग शुल्काशी संबंधित आहे. त्यामुळे सामान्य युजर्सनी व्हायरल मेसेज पाहून घाबरून जाण्याची गरज नाही.
