सोलापूर – सोलापूर महानगरपालिकेच्या उद्यान विभागामार्फत शहरातील विविध चौक (आइलंड) / रस्ते दुभाजक यांच्या विकास, देखभाल व वृक्षारोपण कार्यासाठी स्वयंस्फूर्ती संस्था / स्वयंसेवी संस्था / सामाजिक संस्था / नामांकित उद्योग (औद्योगिक / कॉर्पोरेट हाऊसेस, विकसक, कॉन्ट्रॅक्टर, एनजीओ आणि इतर संस्था) यांना सार्वजनिक सामाजिक जबाबदारी अंतर्गत सहकार्य करण्याचे आवाहन करण्यात आले आहे.
या उपक्रमाअंतर्गत सोलापूर शहरातील १७ प्रमुख दुभाजक व आइलंडचे सुशोभीकरण करण्यासाठी इच्छुक संस्था / युनिट्सना Expression of Interest (EOI) सादर करण्याचे आवाहन करण्यात आले आहे.
संस्था अथवा युनिट्सना त्यांच्या नावाने / लोगो द्वारे प्रचाराची संधी मिळणार असून त्यांना ठराविक कालावधीसाठी मान्यता दिली जाणार आहे. या कालावधीत महापालिकेच्या नियम व अटींनुसार संबंधित चौक / आइलंडचे सुशोभीकरण, वृक्षारोपण, नियमित देखभाल तसेच स्वच्छता राखण्याची जबाबदारी स्वीकारावी लागेल.
यासाठी इच्छुक संस्थांनी आपला प्रस्ताव महापालिकेकडे १२/१०/२०२५ पर्यंत सादर करणे आवश्यक आहे. अधिक माहिती व अर्जाचा नमुना सोलापूर महानगरपालिकेच्या संकेतस्थळावर www.solapurcorporation.gov.in येथे उपलब्ध आहे.
