गुटखा सापडल्यास आता विक्रेत्यांसह संबंधित क्षेत्रातील अधिकाऱ्यावर थेट निलंबनाची कारवाई होणार आहे.
महाराष्ट्रात गुटखाबंदी असून इतर राज्यातील सीमावर्ती भागातून महाराष्ट्रात छुप्या पद्धतीने गुटख्याचे ट्रक येतच आहेत.
या विरोधातील कायद्याची अंमलबजावणी अधिक तीव्र करण्यासाठी राज्य शासनाने यापुढे बंदी असलेले गुटखा किंवा प्रतिबंधित पदार्थ विक्री, साठा अथवा वाहतुकी दरम्यान आढळून आल्यास संबंधित क्षेत्रातील अधिकाऱ्यांवर थेट निलंबनाची कारवाई केली जाईल, असा कडक इशारा अन्न व औषध प्रशासन विभागाचे विशेष सहाय्य मंत्री नरहरी झिरवाळ यांनी दिला आहे.
