सोलापूर (दि. 26 सप्टेंबर) : ललिता पंचमी व शुक्रवाराचा योग जुळून आल्याने तसेच सध्याच्या दूषित वातावरणात आरोग्य उत्तम राहावे, या उद्देशाने निमा वुमन्स फोरम, सोलापूर शाखेतर्फे कुमकुमार्चन व भोंडला कार्यक्रमाचे आयोजन निमा भवन येथे करण्यात आले.
या कार्यक्रमात फोरमच्या 35 ते 40 सभासदांनी उत्स्फूर्त सहभाग घेतला. प्रमुख पाहुण्या म्हणून डॉ. अंबिका प्रीतम यावलकर (डेंटिस्ट व न्यूट्रिशनिस्ट) उपस्थित होत्या.
कार्यक्रमात विविध स्पर्धांच्या बक्षीस वितरणाचा समारंभही पार पडला. पर्यावरणपूरक गणपती प्राणप्रतिष्ठा व विसर्जन स्पर्धेत –
प्रथम क्रमांक : डॉ. स्वाती कोरके
द्वितीय क्रमांक : डॉ. सरोज पाटील
तृतीय क्रमांक : डॉ. अश्विनी देगावकर
अशी क्रमवारी लागली.
तसेच पंढरपूर सायकल वारी पूर्ण करणाऱ्या डॉ. तृप्ती राठी व डॉ. शर्वरी आयाचित यांचा विशेष सत्कारही करण्यात आला.
कुमकुमार्चनानंतर झालेल्या भोंडल्यामध्ये अश्विनी पुजारी यांनी सुरेल गाणी सादर करून कार्यक्रमाला रंगत आणली.
सदर कार्यक्रम यशस्वी करण्यासाठी पीएसटी व कार्यकारिणी सदस्यांनी विशेष परिश्रम घेतले.
