उत्तर सोलापूर : नान्नज ग्रामपंचायतीच्यावतीने ८ मार्च जागतिक महिला दिन मोठ्या उत्साहात साजरा करण्यात आला. गावातील उच्य पदावर काम करणाऱ्या महिलांना राजमाता जिजाऊ पुरस्कार देऊन सन्मान करण्यात आला. 8 मार्च 2021ते 8 मार्च 2022 या एक वर्षाच्या कालावधी मध्ये जन्माला आलेल्या मुलींना “स्त्री जन्माचे स्वागत “म्हणून ड्रेस वाटप करण्यात आले .
ज्या महिलेस फक्त मुलीचं आहेत अशा मातांना “सक्षम मी समर्थ मी “साडी वाटप करण्यात आले. कोरोना काळात”कोरोना वॅरियर्स” म्हणून काम केलेले महिलांचा साडी देऊन सत्कार करण्यात आला. कोरोना काळात ज्यांचे माता पिता मरण पावले आहेत अशा मुलांना “शालेय साहित्य” वाटप, जिल्हा परिषद शाळेस पुस्तके वाटप करण्यात आले. महिलांच्या मनोरंजना साठी होम मिनिस्टरच्या धर्तीवर “रंगला खेळ पैठणीचा ” कार्यक्रमाचे स्वरूप घेण्यात आले. यामध्ये प्रथम पारितोषिक पैठणी साडी, दुसरे पारितोषिक सोन्याची नाथ, तिसरे पारितोषिक चांदीचे नाणे या कार्यक्रमासाठी 160 महिलांनी सहभाग नोंदवला सहभागी महिलेस भिंतीवरील घड्यल भेट वस्तू देण्यात आले. या कार्यक्रमाची सुरुवात सकाळी 11 वा उपस्तित मान्यवरांच्या हस्ते दीपप्रजोलन करून करण्यात आली व सांगता सायंकाळी 6.30 वाजता झाली. या कार्यक्रमाचे नियोजन कालरंग इंटरटेन्मेन्ट प्रतीक चिंदरकर व त्यांच्या टीम ने केले.
या कार्यक्रमाचे अध्यक्ष म्हणून उत्तर सोलापूर गटविकास अधिकारी जास्मिन शेख, नान्नज उपकेंद्र डॉ कादे, सेंट लुक्स हॉस्पिटल येथील डॉ प्रीती सिरशेट्टी या प्रमुख पाहुण्या म्हणून उपस्थित होत्या. याप्रांसगी सरपंच राणी टोणपे, उपसरपंच ज्योती दडे व ग्रामपंचातमधील सर्व महिला सदस्या उपस्थित होत्या.
