मध्य रेल्वेच्या सोलापूर विभागात अंतरराष्ट्रीय महिला दिन 2022 कोविड-19 प्रोटोकॉलचे पालन करत साजरा करण्यात आला. आजची गाडी क्र. 01302 बंगलोर-मुंबई उद्यान एक्सप्रेसचे संचालन संपूर्णपणे सोलापूर विभागातील महिला कर्मचा-यांनी केले. लोको पायलट श्रीमती अनिता राज , सहायक लोको पायलट श्रीमती भावना कोष्टा, गार्ड श्रीमती वैशाली भोसले, स्टेशन मास्टर श्रीमती सुहासिनी शिंदे तसेच तिकीट तपासनीस , हेल्पर , टेकनिशिएन स्टाफ,ट्रॅकमॅन आणि सुरक्षा राक्षकासहीत महिला कर्मचारी कार्यरत होते. श्रीमती प्रतिभा गुप्ता अध्यक्षा महिला कल्याण संगठन यांनी विभागीय रेल्वे प्रबंधक श्री शैलेश गुप्ता यांच्या उपस्तिथीत हिरवा झेंडा दाखवून उद्यान एक्सप्रेस सोलापूरहून रवाना करण्यात आली. महिला प्रत्येक क्षेत्रात स्वत:ला सिद्ध करण्यात सक्षम आहेत आणि सर्व कामे पुरुषांच्या बरोबरीने करू शकतात हा संदेश पोहाचण्यासाठी आजची विशेष गाडी सोडण्यात आली असे संबोधन करून श्री शैलेश गुप्ता यांनी उपस्तिथ महिलांचे मनोबल वाढवले. विभागीय कार्यालयात कार्यक्रम मर्यादीत उपस्तीति व ऑनलाईन लिंकच्या माध्यमातून आयोजन करण्यात आले ज्यामध्ये डॉ. दिपाली धाटे पोलिस उप-आयुक्त सोलापूर महिलांचे अधिकार व समाजामध्ये महिलांनी आपली ओळख प्रत्येक कार्यक्षेत्रात आणखी कसे अधिक प्रभावी करावी महिलांचे या विषयावर मार्गदर्शन केले .उल्लेखनीय सेवा करण्याऱ्या सोलापूर विभागातील महिला कर्मचा-यांना विभागीय रेल्वे प्रबंधक श्री शैलेश गुप्ता यांच्याहस्ते प्रमाणपत्र देऊन गौरविण्यात आले. महिला दिनानिमित्त सर्व कार्यक्रमांचे प्रायोजन कर्मचारी लाभ निधी अंतर्गत करण्यात आले . विभागीय कार्यालयातील कार्यक्रमास अप्पर विभागीय रेल्वे प्रबंधक श्री शैलेंद्र सिंह परिहार, वरिष्ठ मंडल कार्मिक अधिकारी श्री जी पी भगत, वरिष्ठ विभागीय वाणिज्य प्रबंधक प्रदिप हिरडे, वरिष्ठ मंडल यांत्रिक इंजीनियर संजय साळवे, मंडल कार्मिक अधिकारी श्री रमेश अय्यर, शाखा अधिकारी, मान्यता प्राप्त युनियनचे व अससोसिएशनचे पदाधिकारी, लाभ निधीचे सदस्य, कल्याण संगठनच्या कार्यकारी सदस्या व महिला कर्मचारी उपस्तिथ होते.
सोलापूर विभागात अंतरराष्ट्रीय महिला दिन 2022 साजरा
