सोलापूर – प्रेयसी सुनीता लक्ष्मण कुसेकर हिचा दोरीने गळा आवळून खून केल्याप्रकरणी ज्योतिबा अशोक गायकवाड याला सोलापूर प्रमुख जिल्हा व सत्र न्यायाधीश मनोज शर्मा यांनी आजीवन जन्मठेप आणि पन्नास हजारांच्या दंडाची शिक्षा सुनावली. 18 वर्षीय सुनिता आणि 35 वर्षीय ज्योतिबा हे एकमेकांचे नातेवाईक होते. 8 फेब्रुवारी 2021 रोजी ज्योतिबा याने सुनीताला दुचाकीवरून घेऊन जाऊन तिचा खून केला. त्यानंतर तिला खाजगी हॉस्पिटलमध्ये दाखल करून तेथून धूम ठोकली होती. या प्रकरणी सरकार पक्षाकडून एकूण 24 साक्षीदार तपासण्यात आले.
कोर्टाने आरोपीला आजीवन कारावास व पन्नास हजार दंडाची शिक्षा सुनावली. दंडाची रक्कम मृत सुनिता हिची आई कांचन कुसेकर यांना देण्याचे आदेश कोर्टाने दिले आहे.
या प्रकरणी सरकार पक्षातर्फे वकील आनंद कुर्डूकर, रविराज सरवदे, पूजा सरवदे, रोहिणी भंडारे व आरोपीतर्फे एम ए इनामदार यांनी तर कोर्ट पैरवी म्हणून प्रवीण जाधव यांनी काम पाहिले. या संपूर्ण घटनेचा तपास पोलीस निरीक्षक विश्वनाथ सीद यांनी केला होता.
