प्रिसिजन संगीत महोत्सवात आज मोहिनी हा महिलांचा विशेष कार्यक्रम

प्रिसिजन संगीत महोत्सवाच्या दुसऱ्या दिवशी म्हणजे आज रविवार दि.२४ एप्रिल रोजी पहिल्या सत्रात एक अभिनव कार्यक्रम ऐकायला आणि पाहायला मिळेल. “मोहिनी” असे या कार्यक्रमाचे नाव आहे. यात सहा महिला कलाकार असून सितार, गायन, कथ्थक यांचा अनोखा मिलाफ पाहायला मिळेल. यात सहाना बॅनर्जी (सितार), रुचिरा केदार (गायन), सावनी तळवलकर (तबला), अदिती गराडे (हार्मोनियम), शीतल कोळवलकर (कथ्थक), अनुजा बरुडे (पखवाज) यांचा सहभाग असणार आहे. दुसऱ्या आणि अंतिम सत्रात किराणा घराण्याचे प्रख्यात गायक पंडित जयतीर्थ मेऊंडी यांचे शास्त्रीय – उपशास्त्रीय गायन होईल. पंडित जयतीर्थ मेऊंडी यांचा स्वराविष्कार अनुभवणं ही रसिक श्रोत्यांसाठी पर्वणी असेल.त्यांना तबल्यावर अविनाश पाटील, हार्मोनियमवर रवींद्र कातोटी, मनोज भांडवलकर ( पखवाज ) आणि विश्वास कळमकर ( तालवाद्य ) हे साथ करतील.प्रिसिजनच्या प्रथेप्रमाणे दोन्ही दिवस सायंकाळी ठीक ६.२५ वाजता कार्यक्रम सुरू होईल .रसिकश्रोत्यांनी या कलावंतांच्या स्वराविष्काराचा आनंद घ्यावा, असे आवाहन डॉ. सुहासिनी शहा यांनी केले.