शहरातील कडक निर्बंधांना आ.प्रणिती शिंदे यांचा विरोध

सोलापूर : सोलापूर शहरात कोरोना रुग्णांची संख्या कमी होत असून कोरोनाची दुसरी लाटसुद्धा ओसरत आहे. ग्रामीण भागात रुग्णसंख्या वाढतेय खरी मात्र शहरात रुग्णसंख्या कमी होत आहे. मात्र तरीही आयुक्तांनी सोलापूर शहरात 15 जून पर्यंत कडक निर्बंध लागू राहणार असल्याचे जाहीर केले आहे. यामुळे व्यापारी वर्गाचे मोठे नुकसान होणार असून स्थानिक व्यापारी व लोकप्रतिनिधींशी सल्लामसलत करून तात्काळ निर्बंधातुन सूट देऊन सोलापूर शहरातील व्यापार, उद्योग, विडी, यंत्रमाग कारखाने, सुरू करण्यात यावे अशी मागणी आमदार प्रणिती शिंदे यांनी महाराष्ट्राचे मुख्य सचिव सीताराम कुंटे व सोमपा आयुक्त पी. शिवशंकर यांच्याकडे मागणी केली.