TOP 25 । आ. सचिन कल्याणशेट्टी यांच्या पत्नीच झेडपी अध्यक्ष होतील असा अनेकांचा अंदाज…!

सोलापूर जिल्हा परिषदेच्या स्थापनेपासून प्रथमच भाजपने , झेडपीवर झेंडा फडकविला आहे. त्यामुळे भाजपच्या माध्यमातून कोण झेडपी अध्यक्ष होणार याची उत्सुकता जिल्ह्याला लागली आहे. आमदार सचिन कल्याणशेट्टी यांच्या पत्नी शांभवी कल्याणशेट्टी यांचे नाव अध्यक्ष पदाच्या रेस मध्ये अग्रक्रमावर आहे. उपळाई ठोंगे विभागातील दीपक वैद्य, मोडनिंब गटातून निवडून आलेल्या शिवाजी कांबळे यांच्या पत्नी वंदना कांबळे, वळसंगटातून निवडून आलेले रामप्पा चिवडशेट्टी, मोहोळचे माजी आमदार राजन पाटील यांची समर्थक विमल खताळ यांची नावे अध्यक्ष पदासाठी चर्चेत आहे. ओबीसी प्रवर्गासाठी अध्यक्ष पद राखीव आहे. पालकमंत्री जयकुमार गोरे यांच्यापासून ते मुख्यमंत्री देवेंद्र फडणवीस यांच्यापर्यंत आमदार सचिन कल्याण शेट्टी यांचे असलेले संबंध तसेच डॅशिंग आमदार म्हणून त्यांचा झालेला नावलौकिक या पार्श्वभूमीवर त्यांच्या पत्नी शांभवी कल्याण शेट्टी यांच्याच गळ्यात झेडपी अध्यक्षपदाची माळ पडेल अशी शक्यता वर्तवली जात आहे.