सोलापूर महापालिकेची निवडणूक प्रक्रिया सुरू होऊन दोन दिवस उलटले तरीही एकाही उमेदवाराने अर्ज भरला नाही. भाजप पासून महाविकास आघाडी पर्यंत सर्वांचा घोळात घोळ सुरू असल्यामुळे बंडखोरी टाळण्यासाठी प्रत्येक पक्ष शेवटच्या क्षणी उमेदवारी जाहीर आहेत असे दिसते मात्र प्रत्येक पक्षात बंडखोरी अटळ आहे. राष्ट्रवादी अजितदादा गटाचे माजी नगरसेवक किसन जाधव आणि नागेश गायकवाड यांनी वाजले की बारा म्हणत मध्यरात्री पालकमंत्री जयकुमार गोरे यांच्या उपस्थितीत भाजपमध्ये प्रवेश केला. महाविकास आघाडीचा जागा वाटपाचा बहुतांश तोडगा निघाला असून आज तीनही पक्ष एकत्र येऊन याची घोषणा करणार असल्याचे सांगण्यात आले. शिवसेना शिंदे गटाला भाजपने माहिती करण्याबाबत झुलवत ठेवल्याचे लक्षात येऊ लागल्यामुळे आज शिंदे सेनेचे काही उमेदवार अर्ज भरणार आहे. त्यामुळे जसजशी उमेदवारी जाहीर होईल त्याप्रमाणे कुंपणावर असणारे अनेक जण उड्या मारणार आहेत आणि निवडणूकीची सर्वच गणिते बदलणार आहेत. त्यामुळे खऱ्या अर्थाने आज पासून निवडणुकीत रंग भरले जाणार आहेत.
अनेक जण कुंपणावर.. निवडणुकीचा राडा..आज अनेक घोषणा होणार
