सोलापूर : विजापूर रोड मध्यवर्ती महात्मा बसवेश्वर महामंडळाच्यावतीने शासकीय औद्योगिक प्रशिक्षण संस्थेत महात्मा बसवेश्वरांचे 5 एकर मध्ये बसव सृष्टी निर्माण करावे अशी मागणी प्राचार्य मनोज बिडकर यांच्याकडे माजी परिवहन सभापती विजयकुमार हत्तुरे यांनी निवेदनाद्वारे केली आहे. विजापूर रोड मध्यवर्ती महात्मा बसवेश्वर महामंडळाचे ट्रस्टी रमेश हसापुरे, सकलेश बाबुळगावकर, बसवराज दिंडोरे, नामदेव फुलारी, चनबसप्पा गुरुभट्टी आदी उपस्थित होते.
या बसवसृष्टीमध्ये भव्य अश्वारूढ पुतळा, कायक शरणांची माहिती, विद्यार्थ्यांसाठी मोठे अद्यावत आधुनिक सभागृह उभारणी करावे.औद्योगिक प्रशिक्षण संस्थेची सुमारे 28 एकर जागा असून या संस्थेत 27 व्यवसाय प्रशिक्षण कोर्स चालतात. राज्याचे मुख्यमंत्री देवेंद्र फडवणीस,मंत्री मंगल प्रभात लोढा,पालकमंत्री जयकुमार गोरे व दक्षिण सोलापूरचे आमदार सुभाष देशमुख यांच्याकडे ईमेल द्वारे माजी परिवहन सभापती विजयकुमार हत्तुरे यांनी मागणी केली आहे.
