महापालिकेच्या राष्ट्रीय पल्स पोलिओ लसीकरण मोहिमेचा शुभारंभ

सोलापूर : राष्ट्रीय पल्स पोलिओ लसीकरण मोहिम 27 फेब्रुवारी 2022 रोजी आयोजित करण्यात आली होती. त्यानुसार सोलापूर महानगरपालिकेच्या आरोग्य विभागामार्फत राष्ट्रीय पल्स पोलिओ लसीकरण मोहिमेचा शुभारंभ करण्यात आला. जिजामाता प्रस्तुती गृह येथे महापौर श्रीकांचना यन्नम यांच्या शुभहस्ते बालकांना पोलिओ डोस देऊन शुभारंभ करण्यात आले. यावेळी महापौर श्रीकांचना यन्नम यांनी प्रस्तुती गृहाची पाहणी केली आणि तेथे जन्मलेल्या बालकांना सुद्धा पोलिओचा डोस दिला.यावेळी उपआयुक्त धनराज पांडे,आरोग्य अधिकारी डॉ.बसवराज लोहारे,शहर लेखा व्यवस्थापक सिद्धेश्वर बोरगे,डॉ.श्रद्धा सिरशी,वैद्यकीय अधिकारी डॉ.आशुतोष बोराडे तसेच डॉक्टर व कर्मचारी आणि परिसरातील महिला उपस्थित होते.