सोलापूर : पंचतारांकित हॉटेल बालाजी सरोवर प्रीमिअरने सोलापुरातील खवैयांसाठी खास कोकण फूड फेस्टिव्हल आयोजित केले असून कोकणातील पारंपरिक पकवान बनविण्यात माहीर असलेले शेफ अमोल राउल, भावेश म्हापणकर दाखल झाले आहेत आणि या फूड फेस्टिव्हलचे नियोजन महाव्यवस्थापक ब्रिजेश सिंह, शेफ महेश जाधव आणि रोशन मोहंती करत आहेत.
दि. १६ जुलै ते २३ जुलै पर्यंत चालणाऱ्या या कोकण फूड फेस्टिव्हलमध्ये कोकणी व्हेज, नॉनव्हेज आणि सी फूडच्या विविध पदार्थांची रेलचेल असणार आहे. यावेळी बोलताना व्यवस्थापकिय संचालक डी. राम रेड्डी म्हणाले कि बालाजी सरोवर प्रीमिअर सोलापुरातील खवैयांसाठी भारतातील विविध भौगोलिक क्षेत्रांतील त्याठिकाणी प्रसिद्ध असलेले डिशेस फूड फेस्टिव्हलच्या माध्यमातून दरवर्षी उपलब्ध करुन देत आहे आणि येथील खवैय्येही त्यांस उत्तम प्रतिसाद देत असल्याचे त्यांनी यावेळी नमूद केले.
