सोलापूर – ब्राह्मण ब्रीझ नेटवर्क असोसियेशन (बीबीएनए) सोलापूर शाखेच्या वतीने दि. १२ ते १४ सप्टेंबर २०२५ दरम्यान बीबीएनए कला उत्सव २०२५ या प्रदर्शन तसेच विक्री आज पासून सुरु झाले आहे, अशी माहिती संयोजिका पृथा हलसगीकर यांनी दिली.व्यावसायिक महिला उ‌द्योजिकांना एक हक्काचे व्यासपीठ मिळावे यासाठी प्रशस्त अश्या हेरीटेज लॉन इथे सकाळी १० ते रात्री ९ वाजेपर्यंत या प्रदर्शन आणि विक्रीचे आयोजन करण्यात आले आहे. उद्योजिका चंद्रिका चव्हाण, डॉ. माधवी रायते, जयेश पटेल यांच्या हस्ते या प्रदर्शनाचे उद्घाटन करण्यात येणार आहे. महिला उ‌द्योजिकांना अतिशय वाजवी दरात स्टॉल उपलब्ध करुन देण्यात आले आहेत.
या प्रदर्शनात पीएनजीचे गार्गी कलेक्शन, इलेक्ट्रॉनिक्स, होम अप्लायसेन्स, इमिटेशन ज्वेलरीज, हाताने बनवलेल्या क्रोश्याच्या वस्तू, ज्वेलरी, वैविध्यपूर्ण साड्या, गिफ्ट आयटम्स, ड्रेस, लहान मुलांचे ड्रेस, घर व दिवाळी सजावट साहित्य, विविध प्रकारचे मसाले, पूजा साहित्य, रेजीन आर्ट, कॅन्डल आर्ट, गोधन उत्पादने, विविध प्रकारचे मसाले, केक, टूर्स व ट्रॅव्हल्स, फराळाचे विविध पदार्थ, पतसंथा, कुरुड्या, पापड, वाघबकारी चहा, बरवा कॉस्मेटिक, मसाजर, बिल्डर व डेव्हलपर खाद्यपदार्थ यासह इतर अनेक गोष्टींच्या ६० स्टॉल्सचा समावेश राहणार आहे. या प्रदर्शनात आकर्षक ऑफर्स, दररोज लकी ड्रॉ कूपन काढण्यात येणार आहेत असेही हलसगीकर यांनी सांगितले.यावेळी पृथा हलसगीकर, मानसी कुलकर्णी, मनीषा औरंगाबादकर, सोनाली बेऊर,अमृता गोसावी, संजय औरंगाबादकर, विश्वजीत कुलकर्णी, श्रीकांत कुलकर्णी, रेखा पाठक आदी उपस्थित होते.
