सोलापूर : जिल्हाक्रीडा युवक संचलनलाय तर्फे घेण्यात आलेल्या तालुकास्तरीय क्रीडा स्पर्धा उत्तर सोलापूर तालुक्यातील अकोले काटी येथील शिवप्रभू विद्यालयाच्या क्रीडांगणावर पार पडल्या. उत्तर सोलापूर तालुका स्तरीय क्रिकेट स्पर्धेत कोंडी येथील जिजाऊ ज्ञान मंदिर इंग्लिश मीडियम स्कुल कोंडी 17 वर्ष वयोगटातील मुलीच्या क्रिकेट संघाने या स्पर्धेत उपविजेता ठरले.
जिजामाता प्रशाला कोंडी आणि जिजाऊ ज्ञान मंदिर मिडीयम कोंडी यांच्यामध्ये साखळी सामना झाला व या सामन्यामधे शानदार अशी खेळी करत उपांत्य सामन्यात प्रवेश केला उपांत्य सामन्यात हिन्दुस्तान काॅन्हेन्ट स्कुल नान्नज व जिजाऊ ज्ञान मंदिर इंग्लिश मीडियम स्कुल कोंडी यांच्यात झाला. विशेष म्हणजे मुलीच्या क्रिकेट संघाने प्रथमच उत्कृष्ट फलंदाजी करत आपल्या गोलंदाजीचे सुद्धा प्रदर्शन केले. इयत्ता सहावीच्या ऋतुजा दळवे हिने चमकदार अशी गोलंदाजी आणि फलंदाजी करत संघासाठी विजय खेचुन आनला. या क्रीडा स्पर्धांमुळे विद्यार्थ्यांमध्ये खिलाडूवृत्ती दिसून येते. या स्पर्धा विद्यार्थ्यांच्या सुप्त कलागुणांना वाव देण्यासाठी अतिशय महत्त्वाच्या असल्यामुळे अशा स्पर्धा सातत्याने होणे महत्त्वाचे असल्याचे क्रीडा शिक्षकांनी सांगितले.
या विद्यार्थ्यांना क्रीडा शिक्षक दिलीप भोसले यांचे मार्गदर्शन लाभले. संकेत मोरे, संस्थापक अध्यक्ष गणेश नीळ, संचालिका प्राचार्या सुशमा निळ वैभव मसलकर मुख्याध्यापीका सुवर्णा माने सिद्राम नीळ यांनी सर्व यशस्वी खेळाडूचे अभिनंदन केले. व पुढलि सामन्यासाठी शुभेच्छा दिल्या .
