सोलापुरातील निराळे वस्ती येथील जय भोलेनाथ मित्र मंडळाने शनिवारी छत्रपती शिवाजी महाराजांच्या शिवराज्याभिषेक दिनी रक्तदान शिबिर आयोजित केले होते. या रक्तदान शिबिरात १०० जणांनी रक्तदान केले. प्रारंभी अखिल भाविक वारकरी मंडळाचे राष्ट्रीय अध्यक्ष ह.भ.प. सुधाकर महाराज इंगळे यांच्या हस्ते छत्रपती शिवाजी महाराजांची आरती करण्यात आली. याप्रसंगी हातकणंगलेचे खासदार धैर्यशील माने, सोलापूरचे खासदार ज्योती वाघमारे, नगरसेवक अमोल शिंदे, क्रांती तालीमचे अध्यक्ष ज्ञानेश्वर सपाटे, शिवाजी भोसले, जय मस्के आदी उपस्थित होते.
रक्तदान शिबिर आयोजित करण्यासाठी मंडळाच्या प्रदीप झांबरे, अभिजित मगर, नितेश भोसले , राहुल काळे, अमोल सुरवसे , रोहन येळणे, अवधूत फुलवाडे, विश्वनाथ लांडगे, ऋषिकेश झांबरे, सागर शिंदे, गोविंद ताटे,सौरभ सुरवसे,राजू येळणे आदी कार्यकर्त्यांनी परिश्रम घेतले.
