जश्ने ईद-ए-मिलादुन्नबी (स्व.) १५०० व्या पैगंबर जयंतीनिमित्त जश्ने ईद-ए-मिलादुन्नबी स्व. जुलूस कमिटी शहर सोलापूर व बाराईमाम चौक युवक संघटनेच्या संयुक्त विद्यमाने रविवार दिनांक ७ सप्टेंबर २०२५ रोजी आयोजित केलेल्या महाप्रसाद (तबरुक) वाटप व सायंकाळी ६ ते रात्री १२ वाजेपर्यंत इंटरनॅशनल टी.व्ही. स्टार कव्वाल मोहतरम अजीम नाझा (मुंबई) यांच्या कव्वालीचा शानदार प्रोग्राम
सालाबादप्रमाणे यंदाच्या वर्षीही जश्ने ईद-ए-मिलादुन्नबी स्व. जुलूस कमिटी शहर सोलापूर व बाराईमाम चौक युवक संघटनेच्या संयुक्त विद्यमाने जश्ने ईद-ए-मिलादुन्नबी (स्व.) १५०० व्या पैगंबर जयंतीनिमित्त दिनांक ०७/०९/२०२५ रोजी पैगंबर जयंती शोभायात्रा मिरवणुकमध्ये सामिल होणाऱ्या भाविकांना महाप्रसाद (तबरुक) वाटप व सायंकाळी ६ ते रात्री १२ वाजेपर्यंत बाराईमाम चौक, सोलापूर इंटरनॅशनल टी.व्ही. स्टार कव्वाल मोहतरम अजीम नाझा (मुंबई) कव्वालीचा शानदार प्रोग्राम आयोजित करण्यात आला आहे.
सदरच्या कार्यक्रमामध्ये नुतन खासदार प्रणिती शिंदे, सोलापूर शहर उत्तरचे जेष्ठ आमदार विजयकुमार देशमुख, सोलापूर शहर मध्यचे नुतन आमदार देवेंद्र कोठे, लोकप्रतिनिधी व पोलीस अधिकाऱ्यांचा सत्कार कार्यक्रम अशा धार्मिक, सांस्कृतिक व विधायक अशा विविध उपक्रमाने साजरा होत आहे.
तरी वरील सर्व कार्यक्रमास सोलापूर शहर व जिल्हयातील तमाम हिंदु-मुस्लिम बांधवानी धार्मीक, सांस्कृतिक, सामाजिक व विधायक कार्यक्रमास उपस्थित राहून लाभ घ्यावा व आम्हास सेवा करण्याची संधी द्यावी असे आवाहन हाजी मकबुलसाो मोहोळकर, माजी जेष्ठ नगरसेवक व सभागृहनेता सो.म.पा. संस्थापक ट्रस्टी अध्यक्ष जश्ने ईद-ए-मिलादुन्नबी (स्व) जुलूस कमिटी, सोलापूर, अध्यक्ष मोहरम कमिटी शहर सोलापूर यांनी केले आहे.
सदरच्या पत्रकार परिषदेस हाजी मकबुलसाो मोहोळकर, माजी जेष्ठ नगरसेवक व सभागृहनेता सो.म.पा. व संस्थापक अध्यक्ष व अध्यक्ष – मोहरम कमिटी शहर सोलापूर, हाजी अहमदअली मोहोळकर, आसिफभाई तुळजापूरे, ताजोद्दीन मोहोळकर, शाह इक्बाल दुर्वेश, म. रफिक मोहोळकर, अजमलभाई शेख, अध्यक्ष पैगंबर जयंती बाराईमाम चौक म. नवाज मोहोळकर, सियान मोहोळकर, अ. समी हिरापूरे, मोहम्मद नवाज हाजी अहमदअली मोहोळकर, आदी मान्यवर उपस्थित होते.
