सोलापूर शहरात अवघे १९ नवीन कोरोनाबाधित, रुग्णालयात फक्त ४११ दाखल

सोलापूर : सोलापूर शहराचा २ जून रोजी चा covid-19 चा अहवाल प्राप्त झाला आहे. मंगळवारी रात्री बारा वाजता संपलेल्या चोवीस तासांत सोलापूर शहरात नवीन अवघ्या १९ व्यक्तींना कोरोनाची बाधा झाली आहे . या कालावधीत कोरोनामुक्त होऊन घरी परतलेल्या रुग्णांची संख्या २८ आहे . ५ जणांचा या कालावधीत मृत्यू ओढवला आहे. शहरातील प्रभाग निहाय बाधित रुग्णांचा आढावा घेतला असता प्रभाग क्रमांक २६ मध्ये ६, प्रभाग क्रमांक ७ आणि प्रभाग क्रमांक २४ मध्ये प्रत्येकी २ नवीन रुग्ण आढळले आहेत. होटगी रोड परिसरातील साखर कारखान्याजवळ राहणारा बावीस वर्षाचा तरुण छतावरून पडल्यामुळे ३१ मे रोजी मृत्युमुखी पडला होता. त्याचा covid-19 चा अहवाल पॉझिटिव्ह आला आहे.