आज श्रावणातील पहिला सोमवार. विविध उत्सव आणि सण याच महिन्यात असल्यामुळे सर्वत्र भक्तीचे उधाण आले आहे. रिमझिम पावसामुळे सृष्टीने हिरवा गार असा शालू पांगरला आहे. धार्मिक पर्यटन असो की निसर्ग पर्यटन असो जिकडे तिकडे उत्साह ओसंडून वाहत आहे. विविध शिवमंदिरात भाविकांनी दर्शनासाठी पहाटेपासून मोठ्या प्रमाणावर गर्दी केली आहे. अभिषेक, रुद्राभिषेक,गंगा आरती, मिरवणुका यामुळे सर्वत्र ओम नमः शिवाय चा जप ऐकू येत आहे. सोलापूरचे ग्रामदैवत असलेल्या शिवयोगी सिद्धरामेश्वर मंदिरात सकाळपासून भाविकांनी दर्शनासाठी रांगा लावले लावल्या.
मंदिर परिसरात असलेल्या सिद्धरामेश्वराच्या योग समाधीला आकर्षक फुलांची केलेली सजावट लक्षवेधी ठरत आहे. काल रात्री आठ वाजल्यापासून पंधरा ते वीस कारागिरांनी 400 किलो झेंडू तसेच 100 किलो गुलाब, साडेतीनशे किलो शेवंतीची फुले तसेच गुलछडी आदी रंगीबेरंगी फुलांचा वापर वापर करून योग समाधीस चार चांद लावले आहेत. एकूणच राज्यभर सर्वत्र भक्तीचा जागर सुरू झाला आहे.
