सोलापुरात सायकल लवर्स यांचेकडून जागतिक महिला दिनानिमित्त “हिरकणी सायकल राईड “चे आयोजन

सोलापुरात जागतिक महिला दिनाचे औचित्य साधून महिलांच्या फिटनेस करिता सायकल लवर्स सोलापूर यांचेकडून “हिरकणी राईड” आयोजित करण्यात आली होते .

सोलापुरातील पार्क चौकातील चार हुतात्मा पुतळा येथून मंजुषा गाडगीळ आणि डॉ शुभांगी पोतदार यांचे हस्ते झेंडा दाखवून राईड ला सुरुवात करण्यात आली.

आसरा चौक दावत चौक येथून कंबर तलाव येथील झाशीची राणी लक्ष्मीबाई यांच्या पुतळ्याला अभिवादन करून रेल्वे स्टेशन भैय्या चौक मार्गे परत पार्क चौक अशा बारा किलोमीटर अंतराची ही राईड उत्साहात पार पडली.

सायकल लव्हर्स ग्रुप तर्फे गरजूना सायकल डोनेशन देखील करण्यात आले.

तसेच दीपक देशपांडे यांनी ‘सा सायकलचा’ या त्यांच्या स्पीच मधून सायकलिंग साठीच्या महत्त्वाच्या टिप्स दिल्या .
या राईड मधे विविध क्षेत्रात काम करणाऱ्या 35 महिलांनी सहभाग नोंदवला.

सदर राईड चे नियोजन महिला समन्वयक डॉक्टर रूपाली जोशी, सायकल लव्हर्स चे समन्वयक प्रविण जवळकर, अविनाश देवाडकर आणि महेश बिराजदार यांनी केले.

“आजच्या धावपळीच्या व धकाधकीच्या जीवनामध्ये महिलांचे आपल्या स्वतःच्या आरोग्याकडे दुर्लक्ष होते. महिलांनी कुटुंबाच्या जबाबदारी सोबत स्वतःच्या आरोग्याकडेही तितकेच लक्ष देणे गरजेचे आहे. त्यासाठी सायकलिंग करणे हा उत्तम पर्यावरणपूरक व्यायाम आहे. सुट्टीच्या दिवशी आम्ही सायकल लवर्स च्या महिला सदस्य एकत्र येऊन ग्रुप राईड करतो.

आजच्या महिलादिनानिमित्त सोलापुरातील जास्तीत जास्त महिलानी सहभागी व्हावे यातून सायकलिंग चा आनंद घेत आपले आरोग्य ही उत्तम राखण्यास मदत होईल असे आवाहन डॉ रुपाली जोशी, डॉ तृप्ती राठी ,डॉ राजश्री वाघचवरे यांनी केले.