कुरुल : बिट स्तरीय क्रीडा स्पर्धेत जि.प. शाळा माळीवस्ती (औंढी) येथील कु.हर्ष दिलीप सलगर याने लहान गटातील बुद्धिबळ स्पर्धेत कुरुल बीटमधून प्रथम क्रमांक पटकावून उत्कृष्ट कामगिरी सादर केली. स्पर्धेत दाखवलेल्या कौशल्याबद्दल हर्षचे सर्वत्र कौतुक होत आहे.
विजेत्या हर्ष सलगर याचा गौरव बीट विस्ताराधिकारी अतुलकुमार माने, कुरुल केंद्राचे केंद्रप्रमुख राजकुमार राऊत आणि अंकोली केंद्राचे केंद्रप्रमुख नेताजी रणदिवे यांच्या हस्ते पदक प्रदान करून करण्यात आला. या यशामागे मार्गदर्शक शिक्षक सुदीप हंचाटे यांचे मार्गदर्शन लाभले.
हर्षच्या या यशाबद्दल शाळेचे मुख्याध्यापक दादासाहेब सोलंकर, शाळा व्यवस्थापन समितीचे अध्यक्ष दिलीप सलगर, SMC सदस्य, पालकवर्ग तसेच औंढी सोसायटीचे माजी चेअरमन एकनाथ यादव यांनी अभिनंदन करून भविष्यात आणखी मोठ्या यशासाठी शुभेच्छा दिल्या.
