महापालिकेला सुचले उशिरा शहाणपण, ‘ते’ कॉम्प्लेक्स घेणार ताब्यात..!

सोलापूर महापालिकेचे उत्पन्न वाढावे या उद्देशाने विविध ठिकाणी बीओटी म्हणजे बांधा वापरा आणि हस्तांतरित करा या तत्त्वावरील इमारती बांधण्यासाठी महापालिकेने काही मोक्याच्या जागा बिल्डरांना दिल्या. मात्र त्याकडे लक्ष न देणे.. बिल्डरांसोबत महापालिकेने केलेल्या करार पत्राची उल्लंघन करणे… वेळेत बांधकाम पूर्ण झाले नाही तरीही बिल्डरांवर मेहर नजर ना दाखविणे.. अशा कारणामुळे बीओटी तत्वाला सोलापूर महापालिकेच्या काही अधिकाऱ्यांनी हरताळ फासला आहे. सोलापूर शहरातील सर्वच बीओटी कॉम्प्लेक्स मध्ये घोळात घोळ आहे. एकाही ठिकाणी पारदर्शक व्यवहार नाही. गेल्या दहा ते बारा वर्षांपूर्वी महापालिकेने बाळी वेळे येथील सिटी सर्वे क्रमांक 10667 ही जागा मंत्रीचंडक कन्स्ट्रक्शन यांना बीओटीवर विकसित करण्यासाठी दिली होती. मात्र आताही कंपनी दिवाळखोरीत निघाल्याचे कारण देत त्यांच्यावर कारवाई करण्याऐवजी ही इमारत ताब्यात घेण्याची प्रक्रिया महापालिकेने सुरू केली आहे याबाबत नुकतेच प्रसिद्धीकरण देखील केले आहे. यामुळे महापालिकेचे कोट्यावधी रुपयाचे नुकसान झाले आहे याला जबाबदार कोण . ?