अनेक वेळा आपण पाहतो की ज्येष्ठ नागरिक परीक्षा देत आहेत. एखादा जेष्ठ कॉलेजही जॉइन करतो. वयाचा विचार केला तर प्रत्येक जण चिंता करतो. काही लोक असे असतात ज्यांना वय वाढले तरी कोणताही फरक पडत नाही. बिहारमध्ये राहणारी 90 वर्षाची ज्येष्ठ महिला दुसऱ्यांदा पंचायत निवडणूक लढविणार आहे.
बिहारमधील रोहतास जिल्ह्यातील हथीनी गाव पंचायतीची प्रमुख महिला 24 सप्टेंबर रोजी होत असलेल्या पोट निवडणुकीत सहभागी होत आहे. 90 वर्षे उलटली तरी ही महिला आपला मुलगा दयानंद बरोबर परिसरामध्ये लोकांचे जनजागरण करीत आहे. त्यांच्या समस्या जाणून घेत आहे. 85 वर्षाच्या असताना त्यांनी महिला प्रमुख पदासाठी निवडून येण्याचा विक्रम केला होता . ती आता म्हणते की 90 वर्षे ओलांडली तरी अजूनही पंचायत मधील लोकांच्या समस्यांकडे लक्ष द्यावे लागते . जेव्हा लोक अडचणीत असतात, तेव्हा मी आजी म्हणून त्यांच्या समस्या सोडवण्यासाठी मदत करते. उर्मिला देवी यांनी सातवीपर्यंत शिक्षण घेतले आहे . शिक्षण कमी असले तरी सरकारच्या सर्व योजना त्यांना माहिती आहेत. त्यांच्या पंचायती मधील लोक त्यांना ‘दादी मुखिया बाई’ म्हणून बोलावतात.
या पंचायतीतील एक महिला मतदार प्रेरणा देवी म्हणतात की, आमची दादी महिला सशक्तिकरणाचे असे एक उदाहरणच आहेत. कोरोना काळात कित्येक किलोमीटरचा प्रवास करून लोकांची मदत केली आहे.