गजानन महाराज प्रकट दिन, आज विविध कार्यक्रमाचे आयोजन

सोलापूर – संत श्री गजानन महाराज यांच्या प्रकट दिनानिमित्त गुरुमाऊली सेवा संघाच्यावतीने गुलाल कार्यक्रमाचे आयोजन करण्यात आले आहे. हा कार्यक्रम उद्या रविवारी दुपारी 12 वाजता तुळजापूर वेस येथील श्री नगरेश्वर मंदिरात होणार आहे. शेगावी माघमासी वद्य सप्तमी या पावन दिवशी संत गजानन महाराजांचा प्रकट दिन साजरा केला जातो. या दिनाचे औचित्य साधून भाविकांसाठी पारंपरिक गुलाल कार्यक्रमाचे आयोजन करण्यात आले असून कार्यक्रमानंतर महाप्रसादाचेही आयोजन करण्यात आले आहे. या कार्यक्रमास भाविकांनी मोठ्या संख्येने उपस्थित राहावे, असे आवाहन गुरुमाऊली सेवा संघाच्यावतीने करण्यात आले आहे. अधिक माहितीसाठी संपर्क क्रमांक 9890520912 वर संपर्क साधावा, असे आवाहन संयोजक ज्योतिषाचार्य महेश ओव्हाळ यांनी केले आहे.