गडकरीसाहेब ! विमानसेवा आणि उड्डाणपूल दोन्ही विषय मार्गी लावाच…!

सोलापूर शहर आणि जिल्ह्याच्या भोवती राष्ट्रीय महामार्गाचे जाळे उभा करून जिल्ह्याचा नकाशा बदलणारे केंद्रीय महामार्ग मंत्री नितिन गडकरी आज सोलापुरात येत आहेत. त्यामुळे त्यांच्या दौर्‍याबद्दल सोलापूर कराडमध्ये प्रचंड उत्सुकता निर्माण झाली आहे. शरद पवारांच्या पत्रामुळे सिद्धेश्वर कारखान्याच्या बेकादेशीर चिमणीला अभय मिळाला आणि विमानसेवा रखडली त्यामुळे सोलापूरची ही विमानसेवा सुरु करण्यासाठी नितीन गडकरी यांनीच आता पुढाकार घेतला तरच पंतप्रधान नरेंद्र मोदी यांच्या स्वप्नातील सोलापूरची उडान योजनेतील विमानसेवा सुरू होईल. सोलापूर ते हत्तुर हा 22 किलोमीटर लांबीचा बायपास महामार्ग तयार झाला आहे . गडकरी यांनीच हत्तुर ते कुंभारी बोरामणी आणि बोरामणी ते शिवाजीनगर ते केगाव हे 2 रिंग रोड महामार्ग देखील मंजूर केले आहेत. त्यामुळे ज्या गडकरींनी सोलापूर शहरातील दोन उड्डाण पुलांसाठी एक हजार कोटी रुपये मंजूर केले आहेत. सोलापूरच्या भविष्याच्या दृष्टिकोनातून गडकरी साहेबांनी विमानसेवा आणि उड्डाणपूल हे दोन्ही प्रश्न मार्गी लावावेत अशी तमाम सोलापूरकरांची मागणी आहे.