सायकल लवर्स सोलापूर यांच्याकडून रविवार दिनांक 28 जानेवारी रोजी CLS सोलापूर सायक्लोथोन 2024 च्या चौथ्या पर्वाचे आयोजन करण्यात आले आहे. सदर सायकलोथोन स्पर्धेचा एक्सपो कार्यक्रम शनिवार दिनांक 27 जानेवारी रोजी सायंकाळी पाच वाजता शिवाजीनगर बाळे येथील लक्ष्मीतरु गार्डन येथे आयोजित करण्यात आल्याची माहिती सायकल लवर्स सोलापूरचे डॉक्टर प्रवीण ननवरे यांनी दिली.या कार्यक्रमांमध्ये सायकल स्पर्धेमध्ये सहभागी सायकलिस्ट यांना देण्यात येणाऱ्या गुडी बॅगचे अनावरण प्रमुख पाहुणे सोलापूरचे पोलीस उपायुक्त अजित बोऱ्हाडे यांचे हस्ते करण्यात येणार आहे. तदनंतर या बॅगचे वितरण सर्व सहभागी सायकलिस्ट यांना केले जाईल.
याशिवाय सन 2023 या वर्षभरात उल्लेखनीय कामगिरी केलेल्या सायकलपटूंचा व सीएलएस विंटर चॅलेंज पूर्ण केलेले सायकलिस्ट याचा ही गौरव मान्यवरांच्या हस्ते करण्यात येणार आहे. सहभागी महिला सायकलिस्ट यांच्या सन्मानार्थ मलबार ज्वेलर्स यांच्याकडून विशेष कार्यक्रमाचे आयोजन करण्यात आले आहे.या एक्स्पो कार्यक्रमासाठी सर्व सायकल प्रेमींनी उपस्थित राहण्याचे आवाहन सीएलएसचे समन्वयक महेश बिराजदार, इंजी.अमेय केत, अविनाश देवडकर, प्रवीण जवळकर , महिला समन्वयक डॉ.रूपाली जोशी व डॉ. राजश्री वाकचौरे यांनी केले केले आहे .
