एकीकडे महापालिका निवडणुकीतील प्रचार रंगला असताना दुसरीकडे पालकमंत्री जयकुमार गोरे यांनी हॉटेल बालाजी सरोवर मध्ये जुन्या भाजपच्या कार्यकर्त्यांची बैठक घेऊन त्यांच्या भावना जाणून घेतल्या. एकीकडे आपल्याला पालकमंत्र्यांनी बैठकीला बोलावल्याबद्दल अनेकांनी समाधान व्यक्त केले तर अनेक निष्ठावान कार्यकर्त्यांनी मनातील भावना सडेतोडपणे मांडल्या. प्रतिमा डागाळलेल्या तसेच बाहेरच्या उमेदवारांना का उमेदवारी दिली असा प्रश्न देखील अनेकांनी उपस्थित केला. यावेळी पालकमंत्री जयकुमार गोरे यांनी उपस्थितांना भावनिक आवाहन केले. पक्षाच्या झालेल्या चुका या माझ्या आहेत मला पदरात घ्या आणि महापालिका निवडणुकीत 75 जागा जिंकायचे पक्षाचे टार्गेट पूर्ण करा.. असे आवाहन केले. या बैठकीस शहराध्यक्ष रोहिणी तडवळकर, जिल्हाध्यक्ष शशिकांत चव्हाण उपस्थित होते.
पालकमंत्र्यांचे भावनिक आवाहन.. जुन्या कार्यकर्त्यांची बैठक.. 75 चा नारा
