सोलापूर – डॉ. बाबासाहेब आंबेडकर यांच्या महापरिनिर्वाण दिनानिमित्त विश्वकर्मा फाउंडेशन च्या वतीने सोनामाता हायस्कूल रामवाडी येथे मोफत संगणक प्रशिक्षण केंद्राचे उद्घाटन संस्थेचे विश्वस्त ॲड पांडुरंग देशमुख यांच्या हस्ते करण्यात आले यावेळी व्यासपीठावर विश्वकर्मा फाउंडेशनचे अध्यक्ष संतोष गायकवाड संचालक चंद्रशेखर सुतार व सोनामाता ट्रस्टचे सचिव सुवर्णा अत्रे उपस्थित होत्या दीप प्रज्वलन करून कार्यक्रमाची सुरुवात करण्यात आली यावेळी विश्वकर्मा फाउंडेशनचे अध्यक्ष संतोष गायकवाड यांनी विश्वकर्मा फाउंडेशन ची माहिती सांगितली तसेच डॉ. बाबासाहेब आंबेडकर यांच्या महापरिनिर्वाण दिनानिमित्त आपण सोनामाता शाळेच्या परिसरातील सामाजिक व आर्थिक मागासलेल्या वस्तीमध्ये येथील मुलांना संगणक ज्ञान मिळावे यासाठी मोफत संगणक प्रशिक्षणाची सोय करण्यात आली आहे असे सांगितले
आपल्या भाषणात ॲड पांडुरंग देशमुख यांनी डॉक्टर बाबासाहेबांनी सांगितलेल्या शिका व संघटीत व्हा या शिकवणीनुसार मुलांनी शिकावे व संघटीत व्हावे असे आवाहन केले तसेच विश्वकर्मा फाउंडेशनने मुलांच्या विकासासाठी एक मार्ग दिला आहे व तो विकासाचा मार्ग सुखकर व प्रशस्त होईल सर्व मुलांनी संगणक प्रशिक्षण घेऊन या संधीचा उपयोग करावा अशी आव्हान त्यांनी केले
पाहुण्यांचे स्वागत विश्वकर्मा फाउंडेशन चे संचालक चंद्रशेखर सुतार यांनी केले आभार समर्थ कळके यांनी मांडले सूत्रसंचालक सोनामाता शाळेचे शिक्षक यांनी केले कार्यक्रम यशस्वी होण्यासाठी श्रीकृष्ण गायकवाड,रेखा केंगार,लक्ष्मी मिस्कीन,अनिता ऐवळे, वैष्णवी राजपूत व शाळेतील शिक्षक व इतर स्टाफ यांनी प्रयत्न केले
