नगरपरिषदांच्या निवडणुकीचा निकाल उद्या रविवार दिनांक 21 डिसेंबर रोजी लागणार आहे. मतमोजणीसाठी राज्यातील सर्व मतमोजणी केंद्रावर डबल लेयर हाय सेक्युरिटी बंदोबस्त लावण्यात आला आहे.सोलापुरात सोळाशे पोलिसांचा तगडा बंदोबस्त असणार असून आज शनिवारपासूनच हे डबल लेयर पोलीस यंंत्रणा कार्यरत होणार आहे.
प्रथम स्तरावर एस आर पी एफ च्या जवानांची कुमक असणार असून दुसऱ्या स्तरावर पोलिसांचा फौजफाटा तैनात असणार आहे. कोणताही अनुचित प्रकार घडू नये आणि घडल्यास कठोर कारवाई करण्याच्या आदेशाचे पत्र राज्य निवडणूक आयुक्त दिनेश वाघमारे यांनी काढल्याने राज्यातील 288 नगरपरिषदा व नगरपंचायत यांच्या मतमोजणी केंद्रावर तगडा बंदोबस्त लावण्यात आला आहे.
यात पोलीस अधीक्षक, अप्पर पोलीस अधीक्षक, 7 डी वाय एस पी, 19 पोलीस निरीक्षक, 75 सहाय्यक पोलीस निरीक्षक आणि फौजदार असे 103 अधिकारी, 867 अंमलदार आणि 650 होमगार्ड असणार आहेत. आकस्मिक घटना घडल्यास तीन आरसीपीची पदके देखील तैनात असून एका पथकात वीस जवानांचा समावेश आहे.याशिवाय चार शीघ्र प्रतिसाद दल तीन विशेष पथके देखील असणार आहेत.
