तंबाखूमुक्त शाळा अभियान अंतर्गत जिल्हास्तरीय कार्यशाळा

सोलापूर : जिल्हा परिषद शिक्षण विभाग, सोलापूर, आरोग्य विभाग, राष्ट्रीय तंबाखू नियंत्रण कार्यक्रम विभाग, सलाम मुंबई फाऊंडेशन आणि सारथी युथ फौंडेशन यांच्या संयुक्त विद्यमाने तंबाखूमुक्त शाळा अभियान अंतर्गत झुम ऑनलाईन कार्यशाळचे आयोजन करण्यात आले.
कार्यशाळेस शुभेच्छा देताना शिक्षणाधिकारी संजयकुमार राठोड यांनी उपस्थित अधिकारी व मार्गदर्शक शिक्षक यांना आवाहन करुन मार्गदर्शन करण्यात आले. जसे की, मुलांना तंबाखू व तंबाखूजन्य पदार्थापासून दूर ठेवण्यासाठी आणि तंबाखूमुक्त परिसर मिळण्यासाठी तंबाखूमुक्त शाळा अभियानात सर्व शाळांनी सक्रिय सहभाग नोंदवावा आणि निकषांची पूर्तता करून आपली शाळा लवकर तंबाखूमुक्त घोषित करावी.
कार्यशाळेचे प्रास्ताविक शिक्षण विस्तार अधिकारी रतिलाल भुसे सोलापूर यांनी केले. कार्यशाळेमध्ये आरोग्य विभागाने पारित केलेले सुधारीत ९ निकष शाळांमध्ये अंमलबजावणी करुन तंबाखूमुक्त शाळा घोषित करणे बाबत पी.पी.टी. सादरीकरण,निकषांची पूर्तता कशी करावी. टी.एफ.एस अॅपवर सर्व्हेक्षण माहिती कशी भरावी आणि ऑनलाईन डिजिटल प्रमाणपत्र मिळवण्याची प्रक्रिया आदि विषयावर सलाम मुंबई फाऊंडेशनच्या सोलापूर जिल्हा प्रकल्प समन्वयक श्रीमती. शुभांगी लाड यांनी मार्गदर्शन केले. तर शाळेपासून १०० यार्ड परिसरामध्ये आखावयाच्या पिवळी रेषा अभियान (यलो लाईन कॅम्पेन) या विषयावर राष्ट्रीय तंबाखू नियंत्रण कार्यक्रम विभागाचे जिल्हा सल्लागार डॉ. निलेश कोकरे आणि अमित महाडीक,सामजिक कार्यकर्ते यांनी मार्गदर्शन केले.
सदर कार्यशाळेस सर्व गटशिक्षणाधिकारी, विस्तार अधिकारी, केंद्र प्रमुख, तज्ञ मार्गदर्शक शिक्षक, राष्ट्रीय तंबाखू नियंत्रण कार्यक्रमाचे अधिकारी उपस्थित होते. १५६ सहभागींनी सहभाग नोंदविला. जिल्हास्तरीय कार्यशाळा यशस्वी करण्यासाठी तांत्रिक सहाय्य सलाम मुंबई फाऊंडेशन चे प्रतिनिधी रुची पाटकर, श्री.सतिश वानखेडे यांनी परिश्रम घेतले.