उत्तर सोलापूर : उत्तर सोलापूर तालुक्यातील कारंबा या गावात पारधी समाजमध्ये एक वृद्ध महिला सातत्याने आजारी असताना तिचा काल रात्री 12 च्या दरम्यान मृत्यू झाला होता.परंतु गावात पारधी समाजाला अंत्यविधी करण्यासाठी जागा नसल्याने त्यांनी आज सकाळी सोलापूर बार्शी रोडवर कारंबा या गावात रस्ता रोको आंदोलन केले.या दरम्यान येथे उत्तर सोलापूर पोलीस स्टेशनचे पोलीस निरीक्षक अरुण फुघे व सहाय्यक पोलीस निरीक्षक नेताजी बंडकर व त्यांची पूर्ण टीम या ठिकाणी तातडीने येऊन त्यांनी त्या ठिकाणी उच्चीत घटना न होऊ देता उत्तरचे तहसिलदार जयंत पाटील यांना सम्पर्क करून त्यांना घटनास्थळी बोलावून गावतील पारधी समाजातील काही जाणकार लोकांशी चर्चा करून केली.
यावेळी तहसीलदार जयंत पाटील यांनी त्या लोकांना आपले काम मी स्वतः जातीने लक्ष घालून पूर्ण करेन येत्या गुरुवारी या विषयावर आपण तुमच्या गावतील सरपंच व तुमच्यातील काही जाणकार लोकांची मिटटिंग लावून तुमच्या स्मशानभूमीचा विषय मार्गी लावू असे आश्वासन दिले.या आश्वासनाशी सहमत होऊन रस्ता मोकळा करण्यात आला.येस न्युज मराठी ने गावचे सरपंच यांना संपर्क साधून या संबधी विचारले असता आपण गेली 2 ते 3 वर्ष झाले याचा पाठपुरावा करत असल्याचे त्यांनी कागदपत्रे दाखवून सांगितले पुढे आधीक माहिती देताना आपण हा विषय लवकरात लवकर मार्गी लावू असे म्हणाले.
