सोलापूर जिल्हा क्रिकेट असोसिएशन तर्फे सोळा वर्षाखाली मुलांच्या क्रिकेट स्पर्धेचे उदघाटन आज दिनांक 3 ऑगस्ट 2025 रोजी इंदिरा गांधी स्टेडियम येथे करण्यात आले.
सोलापूर जिल्हा क्रिकेट असोसिएशनचे अध्यक्ष व माजी आमदार श्री. दिलीप रावजी माने (मालक) यांच्या वाढदिवसानिमित्त या स्पर्धा आयोजित करण्यात आल्या आहेत.
या स्पर्धा अलंकार ट्रेडिंग कंपनीचे मालक राजासाहेब बागवान, डी. एम. क्रिकेट अकॅडमी चे सुनील चव्हाण व एन.जी. क्रिकेट ॲकॅडमी चे निलेश गायकवाड यांनी पुरस्कृत केल्या आहेत.
श्री राजा साहेब बागवान यांच्या अध्यक्षतेखाली या स्पर्धेचे उदघाटन सोलापूरचे रणजी खेळाडू व सध्या रणजी क्रिकेट स्पर्धेचे निवड समिती सदस्य रोहित जाधव व नुकतेच आयपीएल स्पर्धेत पंच म्हणून कामगिरी केलेले व सोलापूर जिल्हा क्रिकेट असोसिएशनचे अंपायर कमिटीचे चेअरमन श्री. अनिस सहस्त्रबुद्धे यांच्या हस्ते करण्यात आले.
याप्रसंगी 16 व 19 वर्षाखाली निवड समितीचे चेअरमन सुनील मालप, 14 वर्षाखालील निवड समितीचे चेअरमन श्री. राजेंद्र गोटे सर, सोलापूर क्रिकेट असोसिएशनचे टूर्नामेंट कमिटी चेअरमन संजय वडजे, निवड समिती सदस्य उदय डोके व संजय मोरे, राजू रंगम क्रिकेट पंच चिराग शहा तसेच सोलापूर जिल्हा क्रिकेट असोसिएशनचे खजिनदार संतोष बडवे, विहान क्रिकेट अकॅडमी चे कोच योगेश कोम्पल, युनायटेड क्रिकेट क्लबचे कोच सुदर्शन लोखंडे व मल्लिनाथ चौधरी, विनोद पाटील तसेच श्री राहुल मेहेत्रे हे उपस्थित होते.
याप्रसंगी सर्व प्रमुख पाहुणे आयोजक व उपस्थित यांनी दिलीप रावजी माने (मालक) यांना दीर्घायुष्याच्या शुभेच्छा देऊन त्यांनी भविष्यात परत एकदा आमदार व्हावे अशा शुभेच्छा दिल्या आहेत
या कार्यक्रमाची प्रस्तावना सुनील चव्हाण यांनी केली. सूत्रसंचालन सुनील मालप यांनी केले. आभार प्रदर्शन विष्णू गायकवाड यांनी केले.
या स्पर्धा दिनांक 12 ऑगस्ट 2025 पासून दयानंद कॉलेज सोलापूर मैदानावर घेण्याचे नियोजन आहे.
या सर्व स्पर्धा सोलापूर जिल्हा क्रिकेट असोसिएशनचे सचिव चंद्रकांत रेम्बर्सो यांच्या मार्गदर्शनाखाली घेण्यात येणार आहेत
या स्पर्धा लीग पद्धतीने घेण्यात येणार आहेत. यामुळे मुलांना जास्तीच जास्त सामने खेळण्याची संधी मिळणार आहे.
ज्या संघांना या स्पर्धेत भाग घ्यावयाचा आहे त्यांनी 10 ऑगस्ट 2025 पर्यंत शिवानंद अकलूजकर यांच्याकडे नावे नोंदवावीत
