शाळा व अंगणवाडी नळ कनेक्शन जोडणीसाठी विभागाचे अभिनंदन !
सोलापूर – जिल्ह्यातील प्रत्येक शाळा व अंगणवाडीत नळ कनेक्शन देण्यात येत असल्याची माहिती जिल्हा परिषदेचे सिईओ दिलीप स्वामी यांनी दिली.
जलजीवन मिशन अंतर्गत हर घर नल से जल या योजनेची आढावा बैठक मुख्य कार्यकारी अधिकारी दिलीप स्वामी यांच्या अध्यक्षतेखाली शिवरत्न सभागृहात पार पडली. बैठकीला मुख्य लेखा व वित्त अधिकारी अजयसिंह पवार, ग्रामीण पाणी पुरवठा कार्यकारी अभियंता दीपक कोळी, प्रभारी कार्यकारी अभियंता सुनील कटकधोंड, महिला व बालकल्याण विभागाचे जिल्हा कार्यक्रम अधिकारी जावेद शेख ट, लेखाधिकारी श्रीकांत मिरगाळे, यांच्यासह सर्व तालुक्यातील उपअभियंता, कनिष्ठ अभियंता, शाखा अभियंता यांची उपस्थिती होती.
दरम्यान बैठकीत सीईओ स्वामी यांनी जिल्ह्यातील पाणी पुरवठा योजनांची सर्व कामे येत्या 30 जुलै पर्यंत पूर्ण झाली पाहिजेत अशी सक्त ताकीद उपस्थित अभियंत्यांना दिली.
हर घर नल से जल या योजनेंतर्गत जिल्ह्यातील सर्व जिल्हा परिषदेच्या शाळा व अंगणवाडीला नळ जोडणी करण्यात आल्याची माहिती देण्यात आली. या कामाबद्दल पाणी पुरवठा विभागाचे अभिनंदन करण्यात आले. नळ कनेक्शन जोडणी बाबत अंतर्गत तपासणी करण्याच्या सूचना प्राथमिक शिक्षण विभाग व महिला बालकल्याण विभागाच्या यंत्रणेला सिईओ स्वामी यांनी दिल्याचे सांगितले.
