सोलापूर : ओबीसी समाजाला राजकीय आरक्षण हक्क मिळण्याच्या मागणीसाठी जिल्हा परिषदेच्या पुनम गेटसमोर बोंबाबोंब आंदोलन करणाऱ्या भाजपच्या ओबीसी मोर्चाचे शहराध्यक्ष राम वाकसे, नगरसेविका अश्विनी चव्हाण, विजया वड्डेपल्ली, भाजपा सरचिटणीस अनिल कंदलगी, भाजपचे शहर सरचिटणीस नागेश सरगम आदी पंधरा जणांविरुद्ध जमावबंदी आदेश मोडल्याने गुन्हा दाखल करण्यात आला आहे. तीन जून रोजी जिल्हा परिषदेच्या पुनम गेट समोर या लोकांनी बोंबाबोंब आंदोलन केले होते. जमावबंदी आदेश मोडल्याने आपत्ती व्यवस्थापन अधिनियम २००५ च्या कलम ५१ (ब )नूसार हा गुन्हा दाखल करण्यात आला आहे. सदर बझार पोलिस ठाण्याचे पोलिस नाईक वाडीकर अधिक तपास करीत आहेत.
जमावबंदी आदेश मोडल्याने भाजपच्या १५ जणांविरुद्ध गुन्हा दाखल
