प्रभाग 24 मध्ये रस्त्याच्या कामाचे भूमिपूजन

येस न्युज मराठी नेटवर्क : प्रभाग क्रमांक 24 च्या नगरसेविका अश्विनी चव्हाण यांच्या प्रयत्नाने शासनाच्या ‘नगरोत्थान’ योजनेतून नेहरूनगर मुख्य प्रवेशद्वारा पासून ते कमलानगर चौक पर्यंतच्या रस्त्याचे भूमिपूजन दक्षिण चे आ. सुभाष देशमुख साहेब यांच्या शुभहस्ते संपन्न झाले.
प्रास्ताविक करताना अश्विनी चव्हाण म्हणाल्या मा. आमदार सुभाष देशमुख यांच्या मार्गदर्शनाखाली मी प्रभागात अनेक विकास कामे केले आहे,आणि आणखीन मोठ्या प्रमाणात करण्याचा प्रामाणिक प्रयत्न करत आहे, गेल्या 30 ते 35 वर्षापासून जे विकास कामे झाले नव्हते,अशी कामे माझ्या भागात मुख्यमंत्री सहाय्यता निधीमधून बापूंनी पूर्ण केल्याबद्दल मी त्यांचे खूप आभार मानते.
याप्रसंगी आ. सुभाष देशमुख म्हणाले हद्दवाढ भागातील भारतीय जनता पक्षाचे सर्वांच नगरसेवक व कार्यकर्ते चांगले काम करीत असल्याबद्दल समाधान व्यक्त केले.
याप्रसंगी मागास समाज सेवा मंडळाचे सचिव मोहन चव्हाण,अशोक पाटील,सचिन चव्हाण,मोहन राठोड ,किरण चव्हाण,वसंतराव नाईक सोसायटीचे सचिव वसंत पवार ,डॉ.सरतापे, मंडळ अध्यक्ष देवकर,कॉन्ट्रॅक्टर अंबादास शिंदे,व परिसरातील नागरिक मोठ्या संख्येने उपस्थित होते