मंगळवारपासून भरता येणार महापालिका निवडणुकीचे अर्ज… तिकिटांचा घोळ.. उमेदवार टेन्शनमध्ये

सोलापूर महापालिकेचे आयुक्त सचिन ओंबासे यांनी आज महापालिका सार्वत्रिक निवडणुकीसाठी निवडणूक कार्यक्रम जाहीर केला आहे. यानुसार 23 डिसेंबर म्हणजे मंगळवारपासून उमेदवारी अर्ज अर्ज देणे तसेच स्वीकारण्याची प्रक्रिया सुरू केली जाणार आहे. 23 डिसेंबर ते 29 डिसेंबर दरम्यान दररोज सकाळी 11 ते 3 यावेत उमेदवारी अर्ज स्वीकारले जाणार आहेत . 25 डिसेंबर रोजी ख्रिसमस ची आणि 28 डिसेंबर रोजी रविवारची सुट्टी असल्यामुळे या दोन दिवशी अर्ज स्वीकारले जाणार नाही. 31 डिसेंबर रोजी सकाळी 11:00 वाजल्यापासून अर्जाची छाननी केली जाणार असून 2 जानेवारी रोजी सकाळी 11 ते तीन या वेळेत उमेदवारी अर्ज माघार घेता येणार आहे . तीन जानेवारी रोजी निवडणूक लढविणाऱ्या उमेदवारांची यादी प्रसिद्ध होणार आहे . 15 जानेवारी रोजी मतदान आणि 16 जानेवारी रोजी मतमोजणी होऊन 19 जानेवारी रोजी 102 नवीन नगरसेवकांची नावे राजपत्रात प्रसिद्ध होणार आहे . त्यामुळे जानेवारीअखेरपर्यंत महापौर निवड प्रक्रिया पूर्ण होईल . आज ही प्रक्रिया प्रसिद्ध झाली असली तरीही भाजप सह सर्वच राजकीय पक्षांमध्ये तिकीट वाटपाचा घोळात घोळ सुरू आहे . महायुती तसेच महाविकास आघाडी याबाबत अजूनही अधिकृत घोषणा झाली नाही. त्यामुळे मंगळवारपासून उमेदवारी अर्ज भरण्याची प्रक्रिया सुरू होणार असली तरीही सर्वत्र संभ्रम आणि इच्छुकांमध्ये टेन्शन कायम आहे.