फॅट पासून फिट बनवण्याची रोमांचक जर्नी

येस न्युज मराठी नेटवर्क : क्रिकेटमधील देव मानला जाणारा सचिन तेंडूलकर भले कोणाची प्रेरणा नाही? “आयुष्यात फिट राहणं सर्वात गरजेचं असतं” हा आपल्या आदर्श असणा-या व्यक्तीचा एक मेसेज त्यावेळी ३१ वर्षांचा असणा-या अमेय भारत भागवतसाठी आयुष्याला कलाटणी देणारा ठरला. कधीकाळी बटर चिकन क्षणार्धात फस्त करणा-या या पट्ट्याचं आजच्या घडीला जे डाएट प्लान आहे त्यानुसार त्याच्या समोर अख्खी कोंबडी ठेवली तरी त्याचं मन व संयम ढळत नाही.
अमेयने आपली फॅट पासून फिट बनवण्याची रोमांचक जर्नी आपल्या तोंडाने इथे सांगितली आहे.सचिन तेंडूलकरनी कायमच मला प्रेरित केलं आहे. सचिन तेंडूलकर सोशल मीडियावरही एक मोहीम देखील राबवतात आणि तेथे ते लोकांना ‘तंदुरुस्त राहा, निरोगी रहा’ असा देतात. मी माझ्या Fb प्रोफाइलवरून त्यांची ती इमेज टाइमलाईनवर शेअर केली आणि कॅप्शन लिहिलं की, “देव बोलला फिट व्हायचं तर मग व्हायचंच” त्यावेळी मला गुडघ्याच्या समस्या, हायपरटेन्शन, अॅसिड रिफल्क्स, अॅलर्जिक ब्राँकायटिस अशा बर्‍याच आरोग्यविषयक समस्या देखील निर्माण झाल्या होत्या आणि सर्वांसाठी औषधे दिली गेली होती. बहुतांश वेळा मला धाप लागायची आणि काही पाय-या चढल्यानंतरही वेदना जाणवू लागायच्या. त्याचवेळी मी समजून गेलो होतो की आता अजून दुर्लक्ष करून चालणार नाही. बस्स.. तेव्हापासूनच माझ्या Weight loss story ची सुरूवात झाली. आता मी ६० किलो वजन कमी करून ७१ किलोचा आहे. आता मी ५० मिनिटांत १० किलोमीटर धावू शकतो आणि कोणत्याही ब्रेकविना १०० किलोमीटर पर्यंत सायकल चालवू शकतो.