पुणे – राज्यभरात सर्वच भागात पावसाची जोरदार बॅटिंग सुरू आहे. पुण्यात ही मागील 2 दिवसांपासून पावसाची मुसळधार सुरू आहे. काल सायंकाळच्या सुमारास पावसाचा जोर चांगल्याच वाढल्याने नागरिकांची तारांबळ उडाली.पुढील दोन ते तीन दिवस पुणे जिल्ह्यामध्ये पावसाचा जोर कायम राहण्याची शक्यता हवामान विभागाने वर्तवली आहे. तर घाटमाथ्यावर रेड अलर्ट जारी करण्यात आलाय .जिल्ह्यातील वीस धरणात जलसाठा वाढला असून ,समाधानकारक पाऊस झाला आहे .मुळशी धरणाला पावसाचा सर्वाधिक लाभ झाला आहे तर खडकवासल्यात 1 टीएमसी ची भर पडली असेल, पुणेकरांना महिनाभर पुरेल इतका पाणीसाठा वाढला आहे.
धरणातील आजचा पाणीसाठा:-
खडकवासला 0.31
पानशेत 2.65
वरसगाव 2.54
टेमघर 0.22
चारही धरणांच्या पाणलोट क्षेत्रात आज सकाळी सहा वाजेपर्यंत पावसाचा जोर कायम होता.
