सोलापूर – अभिजात मराठी भाषा सन्मान दिनाच्या पूर्वसंध्येला जगभरातील मराठी भाषिकांसाठी एक अत्यंत आनंदाची आणि अभिमानाची बातमी समोर आली आहे. केंद्रीय शिक्षण मंत्रालयाने पुण्यातील ऐतिहासिक डेक्कन कॉलेज पदव्युत्तर आणि संशोधन संस्थेमध्ये ‘अभिजात मराठी भाषा अध्ययन उत्कृष्टता केंद्र’ स्थापन करण्यास अधिकृत मंजुरी दिली आहे. या महत्त्वाच्या केंद्राच्या उभारणीमुळे मराठी भाषेच्या संवर्धनासाठी, संशोधनासाठी आणि विविध विकास प्रकल्पांसाठी केंद्र सरकारकडून मोठा निधी उपलब्ध होणार आहे. या केंद्राच्या स्थापनेसाठी तज्ज्ञांमार्फत सविस्तर प्रकल्प अहवाल तयार करण्यात आला असून, तो लवकरच सादर केला जाईल.
मराठी भाषेचा अभ्यास संशोधन डिजिटल जतन संवर्धन आणि प्रसाराच्या उद्देशाने डेक्कन कॉलेज पदव्युत्तर व संशोधन संस्थेत हे केंद्र स्थापन केले जाणार आहे मराठी भाषेला 3 ऑक्टोबर 2024 या दिवशी अभिषेक भाषेचा दर्जा मिळाला त्यामुळे हा दिवस अभिजात मराठी भाषा गौरव दिन म्हणून साजरा केला जातो त्याच्या पूर्वसंध्येलाच ही आनंदवारता मराठी जणांना मिळाली आहे.
