दुष्काळाची दाहकता : सोलापूर जिल्ह्यात पाणीपुरवठ्याचे 82 टँकर,सर्वाधिक टँकर कुठे?

सोलापूर जिल्ह्यात दुष्काळाची तीव्रता वाढू लागली आहे. येत्या पंधरा दिवसात परतीच्या पावसाने दिलासा दिला तरच काही तर बदल होऊ शकेल अन्यथा जून 2027 पर्यंत संपूर्ण गाव गाडा उध्वस्त होणार आहे. सध्या सोलापूर जिल्ह्यातील अकरा तालुके दुष्काळग्रस्त म्हणून जाहीर केले असून 92 गावांमध्ये 82 टँकरद्वारे पाणीपुरवठा सुरू झाला आहे. विहिरीचे अधिग्रहण देखील सुरू झाले आहे. सर्वाधिक म्हणजे 24 टँकर एकट्या सांगोला तालुक्यात सुरू झाले असून तिथे 19 गावांना या टँकरद्वारे पाणीपुरवठा होतोय. त्या पाठोपाठ मंगळवेढ्यात 16 गावांना 18 टँकरद्वारे पाणीपुरवठा सुरू केला आहे. बार्शी तालुक्यात दोन टँकर करमाळा तालुक्यात आठ उत्तर सोलापूर तालुक्यात सात टँकर तर माढा तालुक्यात 13, दक्षिण सोलापुरात एका ठिकाणी पाण्याचा टँकर सुरू झाला आहे.अक्कलकोट मध्ये दोन आणि माळशिरस मध्ये सात टँकर सुरू झाले आहेत. सोलापूर जिल्ह्यातील पंढरपूर आणि मोहोळ हे दोन तालुके वगळले तर सर्वच्या सर्व नऊ तालुक्यातील अनेक गावांना टँकरद्वारे पाणीपुरवठा सुरू करण्याची वेळ ऐन पावसाळ्याच्या कालावधीत आली आहे. 48 तासात टँकरचे प्रस्ताव मंजूर करावेत असे आदेश जिल्हाधिकारी एस कार्तिकी यांनी दिले आहेत. आठ दिवसात शेतकऱ्यांच्या बांधावर जाऊन नुकसान ग्रस्त पिकांचे पंचनामे केली जाणार आहेत. लवकरच केंद्रीय पद्धत देखील सोलापूर जिल्ह्यात दुष्काळ पाहणी करण्यासाठी येणार आहे.