सोलापूरची – मुंबई – गोवा विमानसेवा पुन्हा सुरू होण्याबाबत सोलापूरकरांमध्ये उत्सुकता आहे., 24 सप्टेंबर 2026 पर्यंत महाराष्ट्र विमानतळ विकास कंपनीच्या अधिकृत टेंडर यादीत नव्या एअरलाइनची निविदा नाही. सप्टेंबर महिन्यात MADCने शिर्डी विमानतळावरील पंचतारांकित हॉटेलसाठी तसेच बारामती विमानतळावरील पार्किंग शेडसाठी निविदा प्रसिद्ध केल्या आहेत. मात्र सोलापूरच्या प्रवासी विमानसेवेसाठी नवीन निविदा अद्याप काढली नाही. त्यामुळे बंद झालेली सोलापूर–मुंबई सेवा पुन्हा सुरू करण्यासाठी शासन आणि विमानतळ प्रशासनाकडून पुढील निर्णयाची प्रतीक्षा आहे. सोलापूर मुंबई या प्रवासी विमान सेवेसाठी स्टार एअर कंपनीला टेंडर देण्यात आले होते. रिकाम्या जाणाऱ्या प्रत्येक सीट साठी 3250 शासन अनुदान असताना देखील रडतखडत वर्षातील नऊ ते दहा महिनेच ही सेवा चालविण्यात आली. आता इंधन दर वाढले या कारणास्तव स्टार एअरने ही सेवा बंद केली आहे. सोलापूर ते तिरुपती ही विमान सेवा लवकरच सुरू करू असे मुख्यमंत्री देवेंद्र फडणवीस यांच्यासह हवाई राज्यमंत्री मुरलीधर मोहोळ, पालकमंत्री जयकुमार गोरे यांच्यासह सर्वांनीच वक्तव्य केली.
सोलापूर ते मुंबई या विमानसेवेचे दुपारचे चुकीचे टाइमिंग असताना देखील सोलापूरकरांनी चांगला प्रतिसाद दिला. विमान सेवा सुरू झाल्यामुळे सोलापूरचे नाव हवाई नकाशावर नोंदविले होते. मात्र ही सेवा खंडित झाल्यामुळे पुन्हा सोलापूर बॅकफूट वर जात आहे. सोलापूरचे प्रस्तावित आयटी पार्क, उड्डाणपूल, उजनी धरणावर होणारा दीड लाख कोटी रुपयांचा ए आय प्रकल्प यास पार्श्वभूमीवर सोलापूर नियमित विमानसेवा सुरू होणे खूप गरजेचे आहे नाहीतर ही विमानसेवा म्हणजे फक्त निवडणूक स्टंट वाटू लागला आहे.
